ទុស្សេខ្សែភ្លើងម៉ាកុង! ឆេះផ្ទះ១ខ្នង ខាតបងទឹកប្រាក់ជាង ៥០០០ដុល្លារ នៅសង្កាត់ជ្រាវ
ខេត្តសៀមរាប៖ ទុស្សេខ្សែភ្លើងកន្លែងម៉ាកុង បណ្តាលឲ្យរាលដាលឆេះផ្ទះ១ខ្នង ខូចខាតសម្ភារ គិតជាទឹកប្រាក់សរុប ៥ពាន់ដុល្លារ កាលពីថ្ងៃទី៦ ខែកញ្ញា ឆ្នាំ២០២០ នៅភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។
សមត្ថកិច្ចបានបញ្ជាក់ថា ម្ចាស់ផ្ទះខាងលើ ឈ្មោះ សុខ ចិត្រា ភេទស្រី អាយុ៤១ឆ្នាំ មុខរបរលក់ដូរ ស្នាក់នៅបណ្តោះអាសន្នក្នុងបុរីសៀងណាំ(ផ្លូវលេខ១៥) ក្នុងភូមិខ្នារ សង្កាត់ជ្រាវ ក្រុង/ខេត្តសៀមរាប រីឯសម្ភារដែលខូចខាត រួមមាន៖ គ្រឿងអលង្កា និងសម្ភារតាំងក្នុងផ្ទះ សរុបជាប្រាក់ប្រហែល ៥០០០ដុល្លារអាមេរិក។
ករណីទុស្សេខ្សែភ្លើងកន្លែងម៉ាកុង បង្កជាអគ្គិភ័យនេះ សមត្ថកិច្ច បានចុះអន្តរាគមន៍ពន្លត់ដោយប្រើប្រាស់រថយន្តពន្លត់អគ្គិភ័យ ២គ្រឿង ទើបអាចគ្រប់គ្រងស្ថានការណ៍ឲ្យរលត់ទៅវិញបាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។