ឆេះរថយន្តដឹកអេតចាយ១គ្រឿង ផ្អើលសមត្ថកិច្ចចុះអន្តរាគមន៍
ខេត្តព្រៃវែង៖ ករណីអគ្គីភ័យមួយ បានបង្កឲ្យមានការភ្ញាក់ផ្អើលដល់សមត្ថកិច្ច ដោយសាររថយន្តដឹកអេតចាយ១គ្រឿង ចំណុះ២៥តោន បានឆាបឆេះខណៈកំពុងបើកបរតាមផ្លូវ កាលពីល្ងាចថ្ងៃទី០៦ ខែកញ្ញា ឆ្នាំ២០២០ លើផ្លូវជាតិលេខ៨ ក្នុងភូមិស្វាយអន្ទរទី១ ឃុំស្វាយអន្ទរ ស្រុកស្វាយអន្ទរ ខេត្តព្រៃវែងុ។
អ្នកបើកបររថយន្តខាងលើ ឈ្មោះ ថេត ចាន់ធា ភេទប្រុស អាយុ២០ឆ្នាំ រស់នៅភូមិសុក្រំជ្រុំ ឃុំគងជ័យ ស្រុកអូរាំងឪ ខេត្តត្បូងឃ្មុំ។សមត្ថកិច្ច បានឲ្យដឹងថា ការឆាបឆេះនេះ មូលហេតុដោយសារឆ្លងចរន្តអាគុយ អេត ចាយចាស់ៗ ដាក់ក្នុងទ្រុងរថយន្ត ដែលដាក់គលើគ្នា ហើយក៏កកិតចុះឡើង បណ្តាលឲ្យកើតជាអណ្តាតភ្លើងឆាបឆេះតែម្តង។
ក្រោយកើតហេតុ សមត្ថកិច្ចក៏បានអន្តរាគមន៌ប្រើរថយន្តពន្លត់អគ្គិភ័យជួយពន្លត់ មិនឲ្យរាលដាលធ្ងន់ធ្ងរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។