សត្វត្រដក់ធំចំនួន ១២ក្បាល មានវត្តមាននៅតំបន់ការពារទេសភាពបឹងព្រែកល្ពៅ ក្នុងឆ្នាំនេះ
បើតាមអង្គការ BirdLife International Cambodia Programme បានបង្ហាញថា សត្វត្រដកធំ ( Greater Adjutant ) ជាប្រភេទសត្វស្លាបរស់នៅតំបន់ដីសើម និងកំពុងមានវត្តមាននៅក្នុងតំបន់ការពារទេសភាពបឹងព្រែកល្ពៅ ដែលស្ថិតនៅ ស្រុកបូរីជលសារ និងកោះអណ្តែត ខេត្តតាកែវ ដែលមួយហ្វូងរបស់វាមានរហូតដល់ទៅ១២ក្បាល។
ប្រភេទសត្វនេះត្រូវបានចាប់ទុកជាប្រភេទ «កំពុងទទួលរងគ្រោះថ្នាក់ជិតផុតពូជ» ដោយសារការបាត់បង់ទីជម្រក ការបំពុល និងការបរបាញ់។ សូមចូលរួមការពារ និងគ្រប់គ្រងតំបន់ការពារទេសភាពបឹងព្រែកល្ពៅដែលជាតំបន់ការពារធម្មជាតិដែលមានតែមួយគត់របស់ខេត្តតាកែវ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។