ចាប់ជនជាតិចិនម្នាក់ និងខ្មែរម្នាក់ ករណីឃុំឃាំង និងបង្ខាំងមនុស្ស នៅក្រុងព្រះសីហនុ
ខេត្តព្រះសីហនុ៖ កាលពីរសៀលថ្ងៃទី២៤ ខែកញ្ញា ឆ្នាំ២០២០ កម្លាំងកងរាជអាវុធហត្ថខេត្តព្រះសីហនុ បានឃាត់ខ្លួនជនសង្ស័យចំនួន ២នាក់ ពាក់ព័ន្ធបទល្មើសចាប់ឃុំឃាំង និងបង្ខាំងមនុស្សដោយខុសច្បាប់ នៅចំណុចកាស៊ីណូខ្សាច់មាសអន្តរជាតិ ស្ថិតក្នុងភូម៤ សង្កាត់លេខ៤ ក្រុងព្រះសីហនុ។
ជនស្ស័យទាំង២នាក់នេះ ទី១. ឈ្មោះ WAING AI MING ភេទប្រុស អាយុ៤៨ឆ្នាំ ជនជាតិចិន មុខរបរបុគ្គលិកផ្នែកទីផ្សារក្រុមហ៊ុនអ៉ីនធើណេត ស្នាក់នៅភូមិ៣ សង្កាត់លេខ៤ ក្រុងព្រះសីហនុ និងទី២. ឈ្មោះ ទូច សំណាង ភេទប្រុស អាយុ៣៩ឆ្នាំ ជនជាតិខ្មែរ មុខរបរមិនពិតប្រាកដ បច្ចុប្បន្នស្នាក់នៅភូមិ៤ សង្កាត់លេខ៤ ក្រុងព្រះសីហនុ ។
ករណីនេះ សមត្ថកិច្ចបានជួយរំដោះជនរងគ្រោះម្នាក់ ឈ្មោះ CAI CHANGCHUN ភេទប្រុស អាយុ៣០ឆ្នាំ ជាជនជាតិចិន មុខរបរបុគ្គលិកកាស៊ីណូ ស្នាក់នៅភូមិ១ សង្កាត់លេខ១ ក្រុងព្រះសីហនុ។
បច្ចុប្បន្នជនសង្ស័យទាំង២នាក់ ត្រូវបានកម្លាំងជំនាញ ឃុំខ្លួនបណ្តោះអាសន្ន ដើម្បីបន្តនីតិវីធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។