ឃាត់ខ្លួនមនុសស ៩នាក់ ដកហូរថ្នាំញៀន ៩កញ្ចប់ នៅខេត្តកំពង់ចាម
ខេត្តកំពង់ចាម៖ កម្លាំងនគរបាលខេត្តកំពង់ចាម បានចុះប្រតិបត្តិការបង្ក្រាបករណីជួញដូរ និងប្រើប្រាស់គ្រឿងញៀន ដោយប្រើវិធានញុះញង់ និងបានឃាត់ខ្លួនជនសង្ស័យចំនួន ៩នាក់ (ស្រី១នាក់) កាលពីថ្ងៃទី២៤ ខែកញ្ញា ឆ្នាំ២០២០ ក្នុងចំនួន២ នៃខេត្តកំពង់ចាម។
នគរបាលជំនាញ បានឲ្យដឹងថា ជនសង្ស័យខាងលើ ទី១.ឈ្មោះ មាស សាមឿន ភេទប្រុស អាយុ៣៥ឆ្នាំ មុខរបរកីឡាប្រដាល់, ២.ឈ្មោះ ទូច ស្រីរ័ត្ន ភេទស្រី អាយុ៤១ឆ្នាំ មុខរបររោងចក្រ, ៣.ឈ្មោះ ឃុត សុភាព ភេទប្រុស អាយុ៣៦ឆ្នាំ មុខរបរបើកឡាន, ៤.ឈ្មោះ កែម អ៊ុក ភេទប្រុស អាយុ៣០ឆ្នាំ មុខរបរជាងដែក, ៥.ឈ្មោះ ឃុត ផល ភេទប្រុស អាយុ៣១ឆ្នាំ មុខរបររត់ម៉ូតូឌុប, ៦.ឈ្មោះ ឈីវ រ៉ាវុធ ភេទប្រុស អាយុ៤២ឆ្នាំ មុខរបរកសិករ, ៧.ឈ្មោះ សំបូរ មេឃ ភេទប្រុស អាយុ២៥ឆ្នាំ មុខរបរកម្មករសំណង់, ៨.ឈ្មោះ សំបូរ សុខមីន ភេទប្រុស អាយុ១៧ឆ្នាំ មុខរបរកម្មករសំណង់ និង៩.ឈ្មោះ ខុន សុភ័ក្រ ភេទប្រុស អាយុ២១ឆ្នាំ មុខរបរកម្មករសំណង់។
ក្នុងប្រតិបត្តិការបង្ក្រាបនោះ ជំនាញ បានដកហូតវត្ថុតាងបាន ម្សៅក្រាមពណ៌សចំនួន ៩កញ្ចប់ ទូរស័ព្ទចំនួន ៦គ្រឿង។ ករណីនេះដែរ កម្លាំងជំនាញ បានកសាងសំណុំរឿងដើម្បីអនុវត្តតាមនីតិវិធីបន្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។