ឯកឧត្តម គៀត ចន្ទ័ថារិទ្ធ ដឹកនាំកិច្ឋប្រជុំត្រួតពិនិត្យការសម្រួលតួនាទីភារកិច្ឋរបស់នាយកដ្ធានច្រកទ្វារទី២
ភ្នំពេញ៖ កាលពីព្រឹកថ្ងៃទី១ ខែតុលា ឆ្នាំ២០២០ ឯកឧត្ដម នាយឧត្តមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍ បានអញ្ជើញដឹកនាំកិច្ចប្រជុំ ត្រួតពិនិត្យការសម្រួលតួនាទីភារកិច្ច របស់នាយកដ្ឋានច្រកទ្វារទី២ នៅអគ្គនាយកដ្ឋានអន្តោប្រវេសន៍។
នៅក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្ដម នាយឧត្តមសេនីយ៍ ឧត្តមសេនីយ៍ឯក, លោកជំទាវ ឧត្តមសេនីយ៍ឯក អគ្គនាយករងអន្តោប្រវេសន៍, ប្រធាន-អនុប្រធាននាយកដ្ឋាន និងមន្ត្រីដែលពាក់ព័ន្ធមួយចំនួនទៀត។
មានប្រសាសន៍ក្នុងកិច្ចប្រជុំនេះដែរ ឯកឧត្ដម នាយឧត្តមសេនីយ៍ គៀត ច័ន្ទថារិទ្ធ សំដៅពិនិត្យឡើងវិញ លើតួនាទីភារកិច្ចរបស់នាយកដ្ឋានច្រកទ្វារទី២ រួមទាំងតួនាទីភារកិច្ច របស់ការិយាល័យ ឲ្យស្របតាមបរិយាកាស សភាពការណ៍បច្ចុប្បន្ន ដើម្បីងាយស្រួលក្នុងការកែសម្រួលឡើងវិញ។
ក្នុងឱកាសនេះដែរ ឯកឧត្ដម នាយឧត្តមសេនីយ៍ អគ្គនាយកអន្តោប្រវេសន៍ បានបញ្ជាក់ថា ជាធម្មតាទេ តួនាទីភារកិច្ច របស់ស្ថាប័នមួយ ក្រសួងមួយ អង្គភាពមួយ មិនអាចនៅនឹងកល់ទេ តែងតែមានការប្រែប្រួល ជាក់ស្តែងនៅប្រទេសដែលមានការអភិវឌ្ឍ មានការបត់បែនខ្លាំងជាងប្រទេសកម្ពុជាផង។
ឯកឧត្តមបានបញ្ជាក់ទៀតថា កាលពីឆ្នាំ២០១៤ នៅពេលដែលរៀបចំអគ្គនាយកដ្ឋានអន្តោប្រវេសន៍ដំបូង ការរៀបចំតួនាទីភារកិច្ចមានលក្ខណៈប្រញាប់ប្រញាល់ ជាកិច្ចការដំបូងដែលមានការរៀបចំពីនាយកដ្ឋាន ទៅអគ្គនាយកដ្ឋាន ហើយមានកន្លែងខ្លះស្រប និងកន្លែងខ្លះអត់ស្រប ពីដំណាក់មួយ ទៅដំណាក់កាលមួយ ដែលទាមទារឲ្យការកែសម្រួលបន្ថែមទៀត ឲ្យសមស្របទៅនឹងសភាពការណ៍បច្ចុប្បន្ន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។