រថយន្ត បុកម៉ូតូ ស្លាប់១គ្រួសារ ៣នាក់ នៅស្រុកសំបូរ
ខេត្តក្រចេះ៖ ករណីគ្រោះថ្នាក់ចរាចរណ៍ដ៏រន្ធត់មួយ កើតឡើងរវាងរថយន្ត និងម៉ូតូ បានបុគ្នាពេគទំហឹង បណ្តាលឲ្យ១គ្រួសារ មានមនុស្សចំនួន៣នាក់ បានស្លាប់ទាំង។ ករណីនេះ កើតឡើងកាលពីយប់ ថ្ងៃទី៧ ខែតុលា ឆ្នាំ២០២០ តាមបណ្តោយផ្លូបជាតិ៧ ក្នុងភូមិសង្គម ឃុំសណ្តាន់ ស្រុកសំបូរ ខេត្តក្រចេះ។
សាក្សីបានអោយដឹងថា គេឃើញរថយន្ត១គ្រឿង ម៉ាកcamary ស្វិត ពណ៌សំបកឪឡឹក ពាក់ស្លាកលេខ ព្រះសីហនុ 2A-2100 បើកបរក្នុងល្បឿនលឿន ទិសដៅពីជើងទៅត្បូង លុះមកដល់ចំណុចកើតហេតុ ក៏បុកជាមួយម៉ូតូ១គ្រឿង ទិសដៅបញ្ច្រាសគ្នា បណ្តាលអោយភាគីខាងម៉ូតូ ១គ្រួសារមានគ្នាចំនួន ៣នាក់ (ឪពុកម្តាយ និងកូន ) ស្លាប់យ៉ាងអាណោចអាធ័ម នៅនឹងកន្លែងតែម្តង។
ក្រោយកើតហេតុ អ្នកបើកបររថយន្ត បានរត់គេចខ្លួនបាត់ស្រមោល ដោយបន្សល់ទុករថយន្តបង្កនៅកន្លែងកើតហេតុ។ ចំណែកសពជនរងគ្រោះទាំង ៣នាក់ សមត្ថកិច្ចបានស្វែងរកអត្តសញ្ញាណ ដើម្បីឲ្យសាច់ញាតិទទួលយកធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។