សូមប្រុងប្រយ័ត្ន កុំក្បែរបង្គោលភ្លើង! ឆក់គោងាប់អស់ ២ក្បាល ពេលកំពុងដឹកដើរក្បែរបង្គោលភ្លើង
ខេត្តកំពង់ឆ្នាំង៖ កាលពីល្ងាច ថ្ងៃទី៨ ខែតុលា ឆ្នាំ២០២០ សត្វគោឈ្មោលចំនួន ២ក្បាល ត្រូវបានចរន្តភ្លើងឆក់ងាប់ភ្លាមៗ នៅចំណុចក្បែរបង្គោលភ្លើង ក្នុងភូមិពន្លៃ ឃុំពន្លៃ ស្រុកបរិបូណ៌ ខេត្តកំពង់ឆ្នាំង។
បើតាមសម្តីម្ចាស់សត្វគោខាងលើ ឈ្មោះ ឡុង ផុន ភេទប្រុស អាយុ៦៨ឆ្នាំ រស់នៅភូមិអូរ ឃុំពន្លៃ ស្រុកបរិបូណ៌ បានប្រាប់ថា មុនពេលកើតហេតុគាត់បានដឹកសត្វគោទាំង២ក្បាលនេះ ឆ្លងផ្លូវជិតបង្គោលភ្លើងខាងលើ បំណងទៅផ្ទះវិញ ស្រាប់តែចរន្តអគ្គិសនីស្រូបឆក់សត្វគោ បណ្តាលឲ្យងាប់ភ្លាមៗតែម្តង។
ករណីនេះ អាជ្ញាធរ សូមប្រុងប្រយ័ត្នខ្ពស់ កុំទៅក្បែរបង្គោលភ្លើង បង្ការមានការឆ្លងចរន្តឆក់ បណ្តាលឲ្យគ្រោះថ្នាក់ដល់អាយុជីវិត!!!
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។