ផ្សាធុងសាំង មិនប្រយ័ត្ន ផ្ទុះស្លាប់បុរសម្នាក់ នៅនឹងកន្លែង
ខេត្តកំពត៖ បុរសម្នាក់ បានស្លាប់ភ្លាមៗ ខណៈកំពុងផ្សារធុងសាំងមិនប្រយ័ត្ន បណ្តាលឲ្យផ្ទុះធុងសាំងនោះ។ ករណីនេះ បានកើតឡើងកាលពីថ្ងៃទី១៣ ខែតុលា ឆ្នាំ២០២០ ក្នុងភូមិគោចិនលែង ឃុំថ្មី ស្រុកទឹកឈូ ខេត្តកំពត។
នគរបាលស្រុកទឹកឈូ បានឱ្យដឹងថា ជនរងគ្រោះ បានផ្សារកាត់ធុងសាំង សម្រាប់ បណ្តែតទុយោទឹក ដើម្បីបូមខ្សាច់ ដោយការធ្វេសប្រហែសមិនបានបើកគម្របធុង ពេលកំពុងផ្សារនោះ ក៏ផ្ទុះធុងសាំងនោះឡើង បណ្តាលឲ្យជនរងគ្រោះស្លាប់ភ្លាមៗតែម្តង។
ជនរងគ្រោះឈ្មោះ វ៉ាន់ រ័ត្ន ភេទប្រុស អាយុ៥៣ឆ្នាំ មុខរបរកម្មករក្នុងការដ្ឋានបូមខ្សាច់ របស់ឈ្មោះ សួន សុវណ្ណារ៉េត ក្នុងភូមិឃុំខាងលើ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។