ចាប់ខ្លួនប្រុសស្រី ២នាក់ ដកហូតគ្រឿងញៀនជិត ៤គីឡូក្រាម នៅខេត្តស្ទឹងត្រែង
ខេត្តស្ទឹងត្រែង៖ កម្លាំងនគរបាលប្រឆាំងបទល្មើសគ្រឿងញៀនខេត្តស្ទឹងត្រែង បានចុះបង្ក្រាបករណីគ្រឿងញៀន បានឃាត់ខ្លួនជនសង្ស័យចំនួន ២នាក់ និងដកហូតបានគ្រឿងញៀន ៤កញ្ចប់ធំ ទម្ងន់ជិត៤គីឡូក្រាម ព្រមទាំងថ្នាំគ្រវីចំនួន ២ថង់តូចទៀត។
នគរបាលខេត្ត បានឲ្យដឹងថា ករណីនេះធ្វើឡើងកាលពីល្ងាច ថ្ងៃទី១៧ ខែតុលា ឆ្នាំ២០២០ ដោយកម្លាំងសមត្ថកិច្ច ឃាត់ខ្លួនជនសង្ស័យម្នាក់ នៅសង្កាត់ស្រះឫស្សី ក្រុងស្ទឹងត្រែង លុះដល់ថ្ងៃទី១៨ ខែតុលា កម្លាំងសមត្ថកិច្ច ក៏បានបន្តឃាត់ខ្លួនជនសង្ស័យម្នាក់ទៀត នៅជិតច្រកអន្តរជាតិត្រពាំងក្រៀល ប្រទេសឡាវ។ ជនសង្ស័យទាំង២នាក់ ឈ្មោះ អ៉ិន ថា ភេទស្រី អាយុ៤៧ឆ្នាំ និងឈ្មោះ វ៉ាន ភូរ ភេទប្រុស អាយុ២៧ឆ្នាំ។
បច្ចុប្បន្នជនសង្ស័យទាំង២នាក់ខាងលើ សមត្ថកិច្ចជំនាញកំពុងសាកសួរ និងកសាងសំណុំរឿង រួមទាំងវត្ថុតាមបញ្ជូនខ្លួនទៅកាន់តុលាការ ដើម្បីចាត់ការបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។