នាយករដ្ឋមន្ត្រីប្រទេសប៊ុលហ្គារី ឆ្លងជំងឺកូវីដ១៩
នាយករដ្ឋមន្ត្រីប្រទេសមួយទៀតហើយដែលបានឆ្លងជំងឺកូវីដ១៩ នាយករដ្ឋមន្ត្រីប្រទេសប៊ុលហ្គារីលោក Boyko Borissov បានឆ្លងជំងឺកូវីដ១៩ ដោយលោកបញ្ជាក់ពីលទ្ធផលតេស្តថាមានវីរុសនេះ កាលពីថ្ងៃអាទិត្យម្សិលមិញ ហើពេលលោកកំពុងសម្រាកព្យាបាលនៅផ្ទះ។
លោក Boyko Borissov វ័យ៦១ឆ្នាំ បានឆ្លងជំងឺនេះ ក្រោយ២ថ្ងៃដែលសមាជិកគណៈរដ្ឋមន្ត្រីម្នាក់បានឆ្លង ហើយបានប៉ះពាល់ផ្ទាល់ជាមួយបណ្តារដ្ឋមន្ត្រីមួយចំនួនទៀត។ លោកនាយករដ្ឋមន្ត្រីបាននិយាយថា លោកបានផ្អាករាល់កិច្ចប្រជុំទាំងអស់ តាំងពីថ្ងៃសុក្រ សប្តាហ៍មុន ហើយកម្មវិធីផ្សេងៗទៀតក៏ត្រូវផ្អាផងដែរ។
បច្ចុប្បន្ន ប្រទេសប៊ុលហ្គារី ដែលមានចំនួនប្រជាជនសរុបប្រមាណ៧លាននាក់ មានអ្នកឆ្លងកូវីដ១៩សរុបជិត៤ម៉ឺននាក់ហើយ ស្លាប់ជាង១ពាន់នាក់។ ពាក់ព័ន្ធនឹងជំងឺកូវីដ១៩នេះដែរ កន្លងមក ក៏មានថ្នាក់ដឹកនាំប្រទេសមួយចំនួនបានឆ្លងដែរ សូម្បីតែលោកដូណាល់ ត្រាំ ប្រធានាធិបតីអាមេរិកក៏បានឆ្លងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។