ហឹង្សាដោយសារពាក្យសម្តី បុរសម្នាក់ ទាញប៉័ងតោកាប់លើបុរសម្នាក់ទៀតរបួសធ្ងន់ នៅខេត្តកំពង់ឆ្នាំង
ខេត្តកំពង់ឆ្នាំង៖ យ៉ាងហោចណាស់បុរសម្នាក់ បានរងរបួសធ្ងន់ ដោយសារបុរសម្នាក់ទៀត បានទាញកាំបិតប៉័ងតោកាប់ប្រហារ ក្នុងជម្លោះពាក្យសម្តីរឿងទិញគល់កញ្ជ្រាំងឲ្យទាស៊ី កាលពីល្ងាច ថ្ងៃទី២៨ ខែតុលា ឆ្នាំ២០២០ នៅចំណុចភូមិជំពារ ឃុំព្រៃគ្រី ស្រុកជលគិរី ខេត្តកំពង់ឆ្នាំង។
ជនសង្ស័យឈ្មោះ ឌុល សាទ ភេទប្រុស អាយុ៣៨ឆ្នាំ រស់នៅភូមិ/ឃុំកើតហេតុខាងលើ ។ ចំណែកជនរងគ្រោះឈ្មោះ អ៊ុក រតនា ភេទប្រុស អាយុ២៣ឆ្នាំ រស់នៅភូមិអូរធំ ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ មកស្នាក់នៅដេកឃ្វាលទានៅចំណុចពូនភ្នំក្នុងភូមិសាស្ថ្រ ភូមិជំពារ ឃុំ ព្រៃគ្រី ស្រុក ជលគិរី ខេត្តកំពង់ឆ្នាំង។
បច្ចុប្បន្នជនរងគ្រោះ ត្រូវបានបញ្ជូនទៅមន្ទីរពេទ្យបង្អែកស្រុក ចំណែកជនសង្ស័យបានរត់គេចខ្លួន។ ករណីនេះ សមត្ថកិច្ច បានកសាងសំណុំរឿងតាមនីតីវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។