បើកម៉ូតូវ៉ារថយន្ត១ផុត ជ្រុលទៅបុករថយន្ត១ទៀត ដួលស្លាប់នៅនឹងកន្លែង
ខេត្តសៀមរាប៖ កាលពីវេលាម៉ោងជិត៧យប់ ថ្ងៃទី២ វិច្ឆិកា ម្សិលមិញ មានករណីគ្រោះថ្នាក់ចរាចរណ៍មួយ រវាងរថយន្តនិងម៉ូតូ បណ្តាលឲ្យបុរសម្នាក់ បានស្លាប់ភ្លាមៗ នៅនឹងកន្លែង លើកំណាត់ផ្លូវជាតិលេខ៦ ក្នុងភូមិស្វាយជ័យ ឃុំត្រពាំងធំ ស្រុកប្រាសាទបាគង ខេត្តសៀមរាប។
សមត្ថកិច្ចមូលដ្ឋាន បានឲ្យដឹងថា គេឃើញម៉ូតូ១គ្រោះង ម៉ាកHONDA ពណ៍ខ្មៅ (ម៉ូតូធំ) ពាក់ផ្លាកលេខសៀមរាប1S.5964 ទិសដៅពីកើតទៅលិច លុះដល់ចំណុចខាងលើ បានឡើងវ៉ារថយន្ត១គ្រឿង តែជាអកុសលក៏ជ្រុលទៅបុករថយន្ត១គ្រឿងទៀត ម៉ាកហ្វ៉ត ពណ៍ស ពាក់ផ្លាកលេខភ្នំពេញ2Y.0751 របស់ក្រុមហុនឡាវីតា (អ្នកបើកបររត់បាត់) បណ្តាលឲ្យដួលបោកម៉ូតូស្លាប់ភ្លាមៗតែម្តង។
ជនរងគ្រោះឈ្មោះ ហេង វិសុទ្ឋ ភេទប្រុស អាយុ៣៣ឆ្នាំ រស់នៅភូមិបឹងធំ ឃុំគោគធ្លកក្រោម ស្រុកជីក្រែង ខេត្តសៀមរាប រីឯអ្នកបើរថយន្តបានរត់គេចខ្លួនបាត់។
ក្រោយពេលកើតហេតុ សមត្ថកិច្ច បានចុះពិនិត្យ និងបានប្រគល់សពជូនក្រុមគ្រួសារយកទៅធ្វើបុណ្យ។ ដោយឡែករថយន្ត និងម៉ូតូ បានយកទៅរក្សាទុកនៅប៉ុស្តិ៍នគរបាលស្រុកបាគង រងចាំដោះស្រាយនៅពេលក្រោយបន្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។