ឃាត់ខ្លួនជនសង្ស័យម្នាក់ ដកហូតម៉េតំហ្វេតាមីនជាង ៧គីឡូក្រាម នៅខណ្ឌដង្កោ
ភ្នំពេញ៖ នគរបាលមន្ទីរប្រឆាំងគ្រឿងញៀន បានចុះប្រតិបត្តិការបង្ក្រាបករណីរជួញដូរគ្រឿងញៀនទ្រង់ទ្រាយធំ កាលពីរសៀល ថ្ងៃទី០១ ខែវិច្ឆិកា ឆ្នាំ២០២០ នៅចំណុចផ្លូវ៥A បូរី លឹមឈាងហាក់ ស្ថិតក្នុង ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ដោយឃាត់ខ្លួនជនសង្ស័យម្នាក់ ដកហូតប្រភេទម៉េតំហ្វេតាមីន(ICE)ទម្ងន់ ៧គីឡូក្រាម។
ជនសង្ស័យខាងលើ ឈ្មោះ ជា ចាន់ដារ៉ា ភេទប្រុស អាយុ៣៥ឆ្នាំ ជនជាតិខ្មែរ ស្នាក់កន្លែងកើតហេតុ រីឯវត្ថុតាងចាប់បាន សារធាតុញៀនប្រភេទម៉េតំហ្វេតាមីន(ICE)ទម្ងន់ ៧គីឡូក្រាម ៦២២ក្រាម។
បច្ចុប្បន្នជនសង្ស័យ ព្រមទាំងវត្ថុតាងខាងលើ ត្រូវបានកសាងសំណុំរឿង បញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។