ស្ត្រីម្នាក់ អុំទូកមកពីមើលស្រែវិញ មិនប្រយ័ត្នធ្លាក់ចូលក្នុងទឹកលង់ស្លាប់
ខេត្តកំពង់ឆ្នាំង៖ ស្ត្រីម្នាក់ បានលង់ទឹកស្លាប់ ខណៈអុំទូកត្រឡប់មកពីមើលស្រែវិញ ហើយមានអាការៈមិនស្រួលខ្លួនក៏បានធ្លាក់ពីលើទូកចូលក្នុងទឹក។ ហេតុការណ៍នេះ បានកើតឡើងកាលពីរសៀល ថ្ងៃទី០២ ខែវិច្ឆិកា ឆ្នាំ២០២០ នៅចំណុចបឹងកផល ភូមិវត្តថ្មី ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ។
សមត្ថកិច្ចបានឲ្យដឹងថា ជនរងគ្រោះឈ្មោះ វ៉ែន លី អាយុ៤៧ឆ្នាំ រស់នៅភូមិ-ឃុំកើតហេតុខាងលើ ដោយសារមិនស្រួលខ្លួន ក៏ធ្លាប់ចូលទឹក បណ្តាលឲ្យលង់ស្លាប់តែម្តង។
ក្រោយពេលកើតហេតុ សមត្ថកិច្ចជំនាញចុះមកធ្វើកោសល្យវិច្ឆ័យ រួចសន្និដ្ឋានថា ជនរងគ្រោះពិតជាស្លាប់ដោយការលង់ទឹកប្រាកដមែន និងបានប្រគល់សាកសពជូនក្រុមគ្រួសារយកទៅធ្វើបុណ្យបានប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។