បុកគ្នាទាំងព្រឹក! រថយន្តដឹកកុងតឺន័រ បុករថយន្តតាកូម៉ា ក្រឡាប់ផ្ងារជើង គៀបស្លាប់ព្រូឡានម្នាក់ នៅក្រុងព្រះសីហនុ
ខេត្តព្រះសីហនុ៖ ករណីគ្រោះថ្នាក់ចរាចរណ៍មួយ រវាងរថយន្តដឹកកុងតឺន័រ បុកជាមួយរថយន្តតាកូម៉ា បណ្តាលឲ្យរថយន្តធំក្រឡាប់ផ្ងារជាង រីឯរថយន្តតូចធ្លាក់ចេញពីផ្លូវ វេលាម៉ោងជាង៩ព្រឹក ថ្ងៃ៤ ខែវិច្ឆិកា ឆ្នាំ២០២០នេះ នៅផ្លូវបំបែករ៉ា ក្រុងព្រះសីហនុ។
បើតាមរបាយការណ៍ពីសមត្ថកិច្ច បានឲ្យដឹងថា បុរសម្នាក់ ជាព្រូឡានដឹកកុងតឺន័រ បានរងរបួសធ្ងន់ធ្ងរ ដោយគៀបជាប់ក្នុងរថយន្ត ត្រូវបានសមត្ថកិច្ច និងក្រុមសង្គ្រោះ អន្តរាគមន៍ជួយគាស់ចេញពីរថយន្ត ដឹកយកទៅសង្គ្រោះ ប៉ុន្តែដោយសាររបួសធ្ងន់ពេក ជនរងគ្រោះបានស្លាប់ទៅហើយ។
ករណីនេះ សមត្ថកិច្ច នៅមិនទាន់មានរបាយការណ៍បញ្ជាក់ពីដើមហេតុ និងអត្តសញ្ញាណជនរងគ្រោះនៅឡើយទេ រងចាំស្រាវជ្រាវបន្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។