ឃាត់ខ្លួនស្ត្រីម្នាក់ ជាមុខសញ្ញាគ្រឿងញៀននៅខេត្តបាត់ដំបង
ខេត្តបាត់ដំបង៖ នៅថ្ងៃទី៤ ខែ វិច្ឆិកា ឆ្នាំ២០២០ កម្លាំងស្នងការដ្ឋាននគរបាលខេត្តបាត់ដំបង បានចុះបង្ក្រាបករណីជួញដូរគ្រឿងញៀន នៅសង្កាត់ព្រែកព្រះស្តេច ក្រុងបាត់ដំបង ដោយបានឃាត់ខ្លួនស្ត្រីម្នាក់ផងដែរ។
ជនសង្ស័យខាងលើ ឈ្មោះ ផន ដានី ហៅម៉ុច ភេទស្រី អាយុ៣៨ឆ្នាំ រស់នៅភូមិព្រែកព្រះស្តេច សង្កាត់ព្រែកព្រះស្តេច ក្រុងបាត់ដំបង និងដកហូរបានគ្រឿងញៀនប្រភេទមេតំហ្វេតាមីនម៉ាទឹកកកICE ចំនួន ៣ថង់ ទម្ងន់៨,៣៨ក្រាម ទូរស័ព្ទដៃ១គ្រឿង និងសម្ភារៈសម្រាប់ប្រើប្រាស់គ្រឿញៀនមួយចំនួន។
បច្ចុប្បន្នជំនាញ បានរៀបចំសំណុំរឿង បញ្ជូនជនសង្ស័យ និងវត្ថុតាង ទៅកាន់អយ្យការអមសាលាដំបូងខេត្តបាត់ដំបង ដើម្បីចាត់ការបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។