ក្រុមការងារលោកបៃឌិន ស្នើរសភាអនុម័តកញ្ចប់ថវិការ ដើម្បីទប់ស្កាត់កូវីដ១៩
អាមេរិក៖ ជំនួយការយូឆ្នាំរបស់ លោកចូបៃឌិន គឺលោក Ronald Klain ត្រូវបានជ្រើសរើសធ្វើជាប្រធានការិយាល័យសេតវិមាន បានអំពាវនាវ ដល់រដ្ឋសភា អនុម័តកញ្ចប់ថវិការដើម្បីទប់ស្កាត់កូវីដ១៩ឲ្យបានលឿនបំផុត។
លោកRonald Klainបានបញ្ជាក់ថាបានបញ្ជាក់ថា កញ្ចប់ថវិកា គឺជាការចាំបាច់បំផុត ដើម្បីទប់ស្កាត់ការឆ្លងរាលដាលកូវីដ១៩ក្នុងទឹកដីអាមេរិក ។ កញ្ចប់ជំនួយខាងល់គឺជាការចាំបាច់បំផុត ត្រូវអនុម័តឲ្យបានមុនពេល ចូលកាន់តំណែងនៅថ្ងៃទី២០ខែមករាឆ្នាំ២០២១។ បច្ចុប្បន្នចំនួនអ្នកឆ្លង COVID-19 ប្រចាំថ្ងៃនៅទូទាំងសហរដ្ឋអាមេរិក នៅតែស្ថិតក្នុងកម្រិតខ្ពស់ដដែល ដោយមនុស្សសរុបរហូតដល់ ១៣៨,២៤៩នាក់ បានឆ្លងជំងឺនេះ តែក្នុងរយៈពេល ២៤ម៉ោងប៉ុណ្ណោះ ខណៈអ្នកស្លាប់វិញមានចំនួន ៥៧៩នាក់នៅក្នុងរយៈពេលដូចគ្នា។
ក្រោយការបូកសរុបទិន្នន័យថ្មីៗបន្ថែមទៀត នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិក កើនឡើងដល់ ១១,៣៦៦,៣៧៩ករណី ក្នុងនោះអ្នកស្លាប់សរុបមាន ២៥១,៨៣២នាក់ និងជាសះស្បើយឡើងវិញជាង ៦,៩៣៥,៦៣០នាក់។
គួរបញ្ជាក់ថា រដូវរងាគឺជាកត្តាចម្បងបំផុត ដែលកំពុងជំរុញឲ្យករណីឆ្លង COVID-19 នៅតាមប្រទេសមួយចំនួន ជាពិសេសនៅទ្វីបអឺរ៉ុប និងអាមេរិក មានការកើតឡើងវិញយ៉ាងគំហុក។ សម្រាប់សហរដ្ឋអាមេរិក ទោះបីជាវ៉ាក់សាំង COVID-19 របស់ក្រុមហ៊ុនមួយចំនួន ជាពិសេស Pfizer ផ្តល់សញ្ញាវិជ្ជមានខ្លាំងមែន ប៉ុន្តែវានឹងអាចត្រូវអនុញ្ញាតឲ្យប្រើប្រាស់ រហូតដល់ខែមីនា ឆ្នាំ២០២១ឯណោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។