រឹបអូសគ្រឿងញៀនជាង ១គីឡូក្រាម ឃាត់ខ្លួនជនសង្ស័យម្នាក់ នៅខេត្តកណ្តាល
ខេត្តកណ្តាល៖ កាលពីថ្ងៃទី១៦ ខែវិច្ឆិកា ឆ្នាំ២០២០ ដើមសប្តាហ៍នេះ កម្លាំងជំនាញស្នងការដ្ឋាននគរបាលខេត្តកណ្ដាល បានចុះបង្ក្រាបករណីជួញដូរគ្រឿងញៀនដោយខុសច្បាប់ នៅចំណុចតាម បណ្ដោយផ្លូវជាតិលេខ៤ ស្ថិតក្នុងភូមិដំណាក់អំពិល ឃុំដំណាក់អំពិល ស្រុកអង្គស្នួល ខេត្តកណ្ដាល និងបានឃាត់ខ្លួនជនសង្ស័យម្នាក់ផងដែរ។
ជនសង្ស័យខាងលើ ឈ្មោះ ម៉ៅ ធីម ភេទប្រុស អាយុ៣៨ឆ្នាំ ជនជាតិខ្មែរ មុខរបរ ជាងផ្សារដែក បច្ចុប្បន្នស្នាក់នៅភូមិស្រះស្រង់ ឃុំសែនដី ស្រុកសំរោងទង ខេត្តកំពង់ស្ពឺ។ រីឯវត្ថុតាងរឹបអូសបានថ្នាំញៀនប្រភេទមេតំហ្វេតាមីន(ICE) ទម្ងន់សុទ្ធ ១១៦២.០២ក្រាម។
បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញកសាងសុំណំរឿង បញ្ជូនទៅតុលាការ ដើម្បីអនុវត្តបន្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។