គម្រោងជួសជុលប្រាសាទទន្លេស្ងួត គ្រោងនឹងបញ្ចប់នៅចុងឆ្នាំនេះ
ខេត្តសៀមរាប៖ អាជ្ញាធរជាតិអប្សរា បានឲ្យដឹងថា គម្រោងជួសជុល និងលើកតម្លៃនៃប្រាសាទទន្លេស្ងួត ដែលគេស្គាល់ថា ជាមន្ទីរពេទ្យមួយ ក្នុងរាជ្យព្រះបាទជ័យវរ្ម័នទី៧ កំពុងវិវត្តន៍ទៅមុខជាលំដាប់ និងលេចចេញជារូបរាងដ៏ស្រស់ស្អាត។
បច្ចុប្បន្នការជួសជុល សម្រេចបានផ្លែផ្កាគួរឱ្យគត់សម្គាល់ ហើយគម្រោងអាចនឹងបញ្ចប់នៅចុងឆ្នាំ ២០២០នេះ។
បើតាមការបញ្ជាក់ពីបុរាណវិទូ លោក ជា សារិទ្ធិ ដែលជាប្រធានគម្រោង ការជួសជុលដល់រួតទី៣៦នៃតួប្រាសាទហើយ និងបន្តជួសជុលនៅផ្នែកកំពូល។ តែដោយសារផ្នែកកំពូលមានការបាត់ថ្មចាស់ច្រើន ដូច្នេះក្រុមការងារកំពុងស្វែងរកថ្មនៅផ្នែកខាងក្រោម ដើម្បីរៀបចំផ្គុំទៅតាមទ្រង់ទ្រាយដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។