លោកបៃឌិន ចាប់ផ្តើមចាក់វ៉ាក់សាំង ក្រុមហ៊ុនអាកាសចរណ៍អាមេរិក កោះហៅបុគ្គលិកមកធ្វើការវិញ
នៅថ្ងៃទី២២ខែធ្នូ ត្រូវនឹងថ្ងៃទី ២១ នៅអាមេរិក លោកបៃឌិនបានចាក់វ៉ាក់សាំងជាសាធារណៈផ្សព្វផ្សាយតាមកញ្ជក់ទូរទស្សនានា ដើម្បីផ្តល់ទំនុកចិត្តដល់ពលរដ្ឋ អាមេរិកទៅចាក់វ៉ាក់សាំង គ្រប់គ្នា ។ លោកបៃឌិន បានប្រកាសក្រោយចាក់វ៉ាក់សាំងថា « ខ្ញុំចាក់វ៉ាក់សាំងដើម្បីបញ្ជាក់ដល់ពលរដ្ឋទាំងអស់ថាមិនមានអ្វីដែលគួរឲ្យបារម្ភ សម្រាប់ការចាក់វ៉ាក់សាំងនោះឡើយ។
ការចាប់វ៉ាក់សាំងបានចាប់ផ្តើម ដំណើរការហើយនៅអាមេរិក ជាមួយគ្នានោះក្រុមហ៊ុនអាកាសចរណ៍ក៏ចាប់ផ្តើមកោះហៅបុគ្គលិកវិលត្រឡប់មកធ្វើការវិញ។ ក្រុមហ៊ុនអាកាសចរណ៍ធំៗរបស់អាមេរិក គឺAmerican Airlines និង United Airlines បានប្រកាសថាកំពុងតែកោះហៅបុគ្គលិកដែលផ្អាកការងារបណ្តោះអាសន្នវិលត្រឡប់មកធ្វើការវិញ ក្រោយពេលអាមេរិកចាក់វ៉ាក់សាំងជូនដល់ពលរដ្ឋ ។ នៅថ្ងៃទី២១ខែធ្នូ ក្រុមហ៊ុនអាកាសចរណ៍ទាំងពីរខាងលើ បានសម្រេចកោះហៅបុគ្គលិកវិលត្រឡប់មកធ្វើការវិញ ជាបណ្តើរៗ ដោយសារតែ តម្រូវការធ្វើដំណើរមិនទាន់ ដូចដើមវិញនៅឡើយទេ។
ប្រធានក្រុមហ៊ុនអាកាសចរណ៍United Airlines – Brett Hart និងអគ្គនាយក (CEO) លោកScott Kirby បានប្រកាសថា មកទល់ពេលនេះ មិនទាន់មានចំនួនទិញសំបុត្រធ្វើដំណើរច្រើននៅឡើយទេស ដោយសារតែស្ថិតនៅក្នុងតំណាក់កាលនៃការឆ្លងកូវីដ១៩ ។ នៅពេលនេះដែរកញ្ចប់ជំនួយ ទៅលើកក្រុមហ៊ុនអាកាសចរណ៍ត្រូវបានអនុម័ត មានតម្លៃ១៥ពាន់លានដុល្លារអាមេរិក ។ កញ្ចប់ជំនួយនោះ ក្រុមហ៊ុននឹងបើកប្រាក់ខែដល់បុគ្គលិក៣០ភាគរយ ។ ក្រៅពីនេះ កម្មវិធីផ្តាល់ជំនួយក៏បានស្នើឲ្យបើកការហោះហើរឡើងវិញជាបណ្តើរៗ ក្រោយមានកញ្ចប់ជំនួយ។
ក្រុមហ៊ុនអាកាសចរណ៍ទាំងពីរ American Airlines និង United Airlines បានឲ្យបុគ្គលិកជាំង៣២ពាន់នាក់ត្រូវឈប់សម្រាក់បណ្តោះអាសន្ន ចាប់ពីខែ តុលា ដោយសារតែកញ្ចប់ជំនួយដំបូង មានរយៈពេល៦ខែ មានទឹកប្រាក់២៥ពាន់លានដុល្លារ ផុតកំណត់។ ក្រោយការចាក់វ៉ាក់សាំងប្រឆាំងកូវីដ១៩ ជាទ្រង់ទ្រាយធំនៅអាមេរិក បណ្តាក្រុមហ៊ុនអាកាសចរណ៍ នឹងចាប់ផ្តើមដំណើរការឡើងវិញក្នុងពេលឆាប់ៗ។ តាមការព្យាករណ៍ប្រសិនបើនៅដើមឆ្នាំ២០២១ មានចំនួនអ្នកឆ្លងកូវីដ១៩ធ្លាក់ចុះ អ្នកដំណើរនឹងកើនឡើងខ្ពស់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។