អឺរ៉ុបជាតំបន់ដែលឆ្លងកូវីដ១៩ ច្រើនជាងគេក្នុងចំណោម តំបន់ទាំង៦
បច្ចុប្បន្ន អ្នកឆ្លងកូវីដ១៩ នៅលើពិភពលោក កើនឡើងជាង ៧៨លាននាក់ ហើយការឆ្លងចូលដល់ តំបន់ដែលត្រជាក់ជាងគេបំភុតលើពិភពលោក គឺប៉ូលខាងជើងផែនដី។ កូវីដ១៩បានឆ្លងរាលដាល នៅក្នុងតំបន់ទាំងអស់នៅលើភពផែនដី ក្នុងនោះប៉ូលខាងជើងដែលជាតំបន់ត្រជាក់បំផុតលើផែនដីក៏មានករណីឆ្លង ជាលើកដំបូងស្ថិតនៅទីតាំងស្រាវជ្រាវរបស់ប្រទេសឈីលី។
តាមតួលេខរបស់ គេហទំព័រWorldometers គិតដល់វេលាម៉ោង ៩ ថ្ងៃទី២៣ខែធ្នូ នៅលើពិភពលោកមានករណីឆ្លងកូវីដ១៩សរុប ដល់ទៅ 78.336.788 នាក់ ស្លាប់1.722.641នាក់ និងព្យាបាលជាសះស្បើយជាង៥៥លាននាក់ផងដែរ ។ បើគិតពីចំនួនពលរដ្ឋ ប្រទេសប៊ែលហ្ស៊ិច ជាប្រទេសរងផលប៉ះពាល់ខ្លាំងជាងគេ ។ តាមតួលេខក្នុងចំណោមពលរដ្ឋ ១០០ពាន់នាក់ នៅប៊ែលហ្ស៊ិច មានអ្នកស្លាប់ដល់ទៅ១៦១នាក់ បន្ទាប់មកគឺអ៊ីតាលី មានអ្នកស្លាប់១១៤នាក់ និងប៉េរ៉ូ មានអ្នកស្លាប់ ១១៣ ណោមពលរដ្ឋ១០០ពាន់នាក់។
ចំណែកអាមេរិកវិញបើទោះបីមានអ្នកស្លាប់ច្រើនជាងគេ បើកគិតពីចំនួនពលរដ្ឋសរុបគឺតិចជាងប្រទេសនានា ។ បើគិតពីតំបន់អឺរ៉ុប គឺជាតំបន់មានករណីឆ្លងច្រើនជាងគេដល់ទៅជាង ២១,៧២ លាននាក់ និងស្លាប់៥០២ពាន់នាក់។ ប្រទេសអាល្លឺម៉ង់ មានកណីស្លាប់ច្រើនជាងគេ ក្នុងមួយថ្ងៃៗ។ ក្នុងរយៈពេល២៤ម៉ោងកន្លងមកអាល្លឺម៉ង់មានអ្នកស្លាប់ ដល់ទៅ៩៤០នាក់។ នៅពេលនេះអឺរ៉ុបក៏មានអនុម័តឲ្យប្រើប្រាស់វ៉ាក់សាំងប្រឆាំងកូវីដ១៩ ជាផ្លូវការហើយ។
តំបន់ដែលមានករណីឆ្លងច្រើនជាងគេគឺ៖
១-អឺរ៉ុបមានអ្នកឆ្លង 21.726.025 នាក់ ស្លាប់ 502.293 នាក់
២-អាមេរិកខាងជើងមានអ្នកឆ្លង 21.449.802 នាក់ និងស្លាប់482.414 នាក់
៣-ទ្វីបអាស៊ី មានអ្នកឆ្លង 19.949.485 នាក់ និងស្លាប់ 325.233 នាក់
៤-អាមេរិកខាងត្បូង មានអ្នកឆ្លង12.602.769 នាក់ និងស្លាប់ 351.483 នាក់
៥-ទ្វីបអាហ្វ្រិក មានអ្នកឆ្លង 2.560.363 នាក់និងស្លាប់ 60.153 នាក់
៦-ទ្វីបអូសេអានី មានអ្នកឆ្លង 47.623 ស្លាប់ 1.050 នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។