ឃាត់ខ្លួនជនសង្ស័យម្នាក់ ករណីលួចទ្រព្យសម្បត្តិ ក្នុងលំនៅដ្ឋានអ្នកដទៃ
ខេត្តបាត់ដំបង៖ កាលពីយប់ថ្ងៃទី២៣ ខែធ្នូ ឆ្នាំ២០២០ កម្លាំងនគរបាលក្រុងបាត់ដំបង បានចុះប្រតិបត្តិការបង្ក្រាបករណីលួចយកទ្រព្យសម្បត្តិ ក្នុងលំនៅដ្ឋានមួយករណី និងបានធ្វើការឃាត់ខ្លួនជនសង្ស័យម្នាក់ នៅភូមិវត្តរកា សង្កាត់អូរម៉ាល់ ក្រុងបាត់ដំបង ខេត្តបាត់ដំបង។
សូមបញ្ជាក់ថា កាលពីថ្ងៃទី២០ ខែធ្នូ ឆ្នាំ២០២០ កន្លងទៅ ក្នុងលំនៅដ្ឋានរបស់ជនរងគ្រោះឈ្មោះ អន សំផន ភេទប្រុស អាយុ៣៣ឆ្នាំ មានទីលំនៅភូមិសាលាបាឡាត់ សង្កាត់អូរម៉ាល់ ក្រុងបាត់ដំបង ខេត្តបាត់ដំបង ត្រូវបានជនសង្ស័យឈ្មោះ ម៉ន ស៊ីណាត ហៅរាម ភេទប្រុស អាយុ២៩ ឆ្នាំ មានទីលំនៅភូមិវត្តរកា សង្កាត់អូរម៉ាល់ ក្រុងបាត់ដំបង ខេត្តបាត់ដំបង បានធ្វើសកម្មភាពលួចយកទ្រព្យសម្បត្តិពីក្នុងលំនៅដ្ឋាន រួមមាន៖
ទូរស័ព្ទដៃចំនួន ៣គ្រឿង, ម៉ូទ័រស្វានចំនួន ១គ្រឿង, ម៉ូទ័រកាត់ការ៉ូចំនួន ១គ្រឿង, ខ្សែភ្លើងទំហ៊ំ២.៥ មីលីម៉ែត្រ ចំនួន ៣០ម៉ែត្រ, កាបូបស្ពាយចំនួន១, មួកសុវត្ថិភាពពណ៌ខ្មៅចំនួន១។
បច្ចុប្បន្ន កម្លាំងជំនាញកំពុងកសាងសំណុំរឿង ដើម្បីបញ្ជូនជនសង្ស័យទៅសាលាដំបូងខេត្តបាត់ដំបង ចាត់ការបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។