បណ្តាប្រទេសជុំវិញពិភពលោក បង្កើនល្បឿនចាក់វ៉ាក់សាំងកូវីដ១៩
ចំនួនអ្នកឆ្លងកូវីដ១៩ នៅលើពិភពលោក ជាង ៧៩លាននាក់ហើយ មកដល់ថ្ងៃទី២៤ខែធ្នូ ហើយប្រទេសជាច្រើនក៏បានបង្កើនល្បឿនចាក់វ៉ាក់សាំង ដល់ពលរដ្ឋរបស់ខ្លួនដើម្បីទប់ស្កាត់ការឆ្លងរាលដាលកូវីដ១៩ យ៉ាងមានប្រសិទ្ធភាពបំផុត ។
នៅពេលនេះប្រទេសក្នុងតំបន់អឺរ៉ុប អាមេរិកបានង្កើនការចាក់វ៉ាក់សាំង ដល់ពលរដ្ឋរបស់ខ្លួន។ គិតដល់ថ្ងៃទី២៣ខែធ្នូ(ពេលវេលាអាមេរិក) ប្រធានមជ្ឈមណ្ឌលគ្រប់គ្រងជំងឺឆ្លងអាមេរិក (CDC) លោក Robert Redfield បានបញ្ជាក់ថា មានពលរដ្ឋជាង១លាននាក់ហើយបានចាក់វ៉ាក់សាំងប្រឆាំងកូវីដ១៩ ។ លោក Robert Redfield បានបន្តទៀតថា «អាមេរិកបានឈានដល់ការចាក់វ៉ាក់សាំងចំនួន១លាននាក់មុនពេលគ្រោងទុក។ តាមរបាយការណ៍ មានវ៉ាក់សាំងជាង១លានដូសបានប្រើប្រាស់នៅអារិកក្នុងរយៈពេល១០ថ្ងៃកន្លងមក។
នៅថ្ងៃទី២២ខែធ្នូ បណ្តាញទូរទស្សន៍អាមេរិក បានផ្សាយថា រដ្ឋមន្ត្រីក្រសួងសុខាភិបាលអាំមេរិក លោកAlex Azar ក៏បានចាក់វ៉ាក់សាំង កូវីដ១៩ របស់ក្រុមហ៊ុន មូឌីណាផងដែរ ។ កាលពីថ្ងៃទី២១ខែធ្នូ លោកបៃឌិនបានចាក់វ៉ាក់សាំង ប្រឆាំងកូវីដ១៩ របស់ក្រុមហ៊ុន Pfizer / BioNTech ។ ជាមួយគ្នានេះដែឬ អាមេរិកបានកំណត់គោលដៅ ចាក់វ៉ាក់សាំងដល់ពលរដ្ឋចំនួន១០០លាននាក់ ក្នុងរយៈពេល៣ខែដំបូងដើមឆ្នាំ២០២១ និងចាក់បន្ថែមដល់ទៅ ១០០លាននាក់ទៀត នៅត្រីមាសទីពីរឆ្នាំ ២០២១។
ចាប់ពីថ្ងៃទី១៤ខែធ្នូមកមានវ៉ាក់សាំង ជាង៣លានដូស របស់ក្រុមហ៊ុន Pfizer / BioNTech បាមចែលចាយនៅតាមបណ្តារដ្ឋទូទាំងទឹកដីអាមេរិក ។ នៅក្នុងសប្តាហ៍នេះអាមេរិក មានគោលដៅចែកចាយវ៉ាក់សាំងបន្ថែម ៦លានដូសទៀតរបស់ក្រុមហ៊ុនមូឌីណា និង២លានដូសរបស់ក្រុមហ៊ុន Pfizer / BioNTech ។ អាមេរិកជាប្រទេសដែលមានករណីឆ្លងកូវីដ ១៩ ច្រើនជាងគេបំផុតលើពិភពលោក ដោយមានអ្នកឆ្លងជាង ជិត១៩ លាននាក់ និងស្លាប់ជាង៣២០ពាន់នាក់ ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។