កំពុងជួសជុលរថយន្ត ឆ្លងភ្លើងអាគុយ ឆក់ស្លាប់ជាងម្នាក់
ខេត្តបន្ទាយមានជ័យ៖ បុរសម្នាក់ បានស្លាប់ភ្លាមៗ ខណៈកំពុងជួសជុលរថយន្ត ឆ្លងចរន្តអគ្គិសនីអាគុយរថយន្តតែម្តង។ ហេតុការណ៍នេះ កើតឡើងកាលពីវេលាម៉ោងជាង៣រសៀល ថ្ងៃទី២៧ ខែធ្នូ ឆ្នាំ២០២០ ស្ថិតនៅភូមិព្រហូត សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
សមត្ថកិច្ចមូលដ្ឋាន បានឲ្យដឹងថា ជនរងគ្រោះ ឈ្មោះ ឃុត ចាន់បូរ៉ា ភេទប្រុស អាយុ៤១ឆ្នាំ មុខរបរជាជាងជួសជុលរថយន្ត រស់នៅភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
ក្រោយពេលកើតហេតុ សមត្ថកិច្ចបានចុះពិនិត្យលើដងខ្លួនជនរងគ្រោះ ពុំមានស្លាកស្នាមអ្វីទាក់ទងនឹងករណីឃាតកម្មនោះទេ។ ករណីនេះ គឺបណ្តាលមកពីឆ្លងចរន្តអគ្គីតសាកអាគុយទៅតួរថយន្ត ឆ្លងឆក់ជនរងគ្រោះបណ្តាលឲ្យស្លាប់តែម្តង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។