ឃាត់ខ្លួនយុវជន ២នាក់ ដកហូតថ្នាំញៀន ៥កញ្ចប់ នៅស្រុកបសេដ្ឋ
ខេត្តកំពង់ស្ពឺ៖ នគរបាលស្រុកបសេដ្ឋ បានចុះបង្ក្រាបមុខសញ្ញាគ្រឿងញៀនចំនួន ២នាក់ កាលពីថ្ងៃទី៣០ ខែធ្នូ ឆ្នាំ២០២០ នៅចំណុចភូមិក្រសាំងតាគង់ ឃុំនិទាន ស្រុកបសេដ្ឋ ខេត្តកំពង់ស្ពឺ។
ជនសង្ស័យឈ្មោះ ឌឹម សុខលីម ភេទប្រុស អាយុ២០ឆ្នាំ និងឈ្មោះ ឆេង អ៊ូខុង ភេទប្រុស អាយុ១៧ឆ្នាំ ទាំង២នាក់នេះ នៅភូមិតាដែងចាស់ ឃុំពោធិម្រាល ស្រុកបសេដ្ឋ ខេត្តកំពង់ស្ពឺ។ ចំណែកវត្ថុតាងដកហូតបាន ម្សៅក្រាមពណ៌សចំនួន ៥កញ្ចប់, ម៉ូតូ១គ្រឿង និងឧបករណ៍ប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យ ត្រូវបានកម្លាំងការិយាល័យជំនាញ កសាងសំណុំរឿងដើម្បីបញ្ជូនទៅចាត់ការបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។