ក្រុមរុស្សីុស្វាគមន៍ក្រុមអារ៉ាប៊ីសាអូឌីតក្នុងថ្ងៃបេីក World Cup ដំបូង
កីឡា ៖ ក្រុមម្ចាស់ផ្ទះរុស្ស៊ី បើកកីឡដ្ឋាន Luzhniki Stadium ស្វាគមន៍ក្រុមអារ៉ាប៊ីសាអូឌីត ក្នុងព្រឹត្តិការណ៏ប្រកួតកីឡាបាល់ទាត់ដណ្តើមពានរង្វាន់ពិភពលោក (FIFA World Cup) ឆ្នាំ២០១៨ នាល្ងាចថ្ងៃព្រហស្បតិ៍ ទី១៣ ខែមិថុនា នេះសម្រាប់ជំនួបបើកឆាកពូល A វេលាម៉ោង ១០ យប់នេះ។
ក្រុមម្ចាស់ផ្ទះរុស្ស៊ី មិនស្គាល់ជ័យជម្នះឡើយនាជំនួបមិត្តភាពអន្តរជាតិ៧លើកចុងក្រោយ ដោយស្មើអេស្ប៉ាញ អ៊ីរ៉ង់ និងតួកគី ហើយចាញ់អាហ្សង់ទីន ប្រេស៊ីល បារាំង និងអូទ្រីស ក្រោយឈ្នះកូរ៉េខាងត្បូង ៤-២ កាលពីខែតុលា ឆ្នាំ២០១៧។
ចំណែកក្រុមអារ៉ាប៊ីសាអូឌីត បានចាញ់ជំនួបមិត្តភាពអន្តរជាតិ៣លើកជាប់គ្នា ក្រោមថ្វីជើង អ៊ីតាលី ប៉េរូ និងអាល្លឺម៉ង់ ដែលជាម្ចាស់ការពារតំណែងជើងឯក World Cup។
សូមបញ្ជាក់ថារុស្ស៊ី និងអារ៉ាប៊ីសាអូឌីត ធ្លាប់ជួបគ្នាតែមួយលើកគត់ក្នុងជំនួបមិត្តភាពអន្តរជាតិកាលពីឆ្នាំ១៩៩៣ ដោយអារ៉ាប៊ីសាអូឌីត បានយកឈ្នះក្នុងលទ្ធផល ៤-២ ៕
ក្រុមជម្រេីសជាតិរុស្ស៊ី
ក្រុមជម្រេីសជាតិអារ៉ាប៊ីសាអូឌីត
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។