ជិះម៉ូតូ បុកសុខន ដួលខ្ទាតចូលរថយន្ត កិនស្លាប់ភ្លាមៗ
ខេត្តព្រះសីហនុ៖ នៅព្រឹកថ្ងៃ១៩ ខែមករា ឆ្នាំ២០២១នេះ បុរសម្នាក់ បានជិះម៉ូតូមិនប្រយ័ត្នជ្រុលបុកឆ្កែ ហើយដួលខ្ទាតចូលរថយន្ត បណ្តាលឲ្យរថយន្តកិនស្លាប់ភ្លាមៗ លើផ្លូវជាតិលេខ៤ ក្នុងភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ។
សមត្ថកិច្ចមូលដ្ឋាន បានឲ្យដឹងថា ជនរងគ្រោះ ឈ្មោះ មុត មាន ភេទប្រុស អាយុ១៨ឆ្នាំ មានទីលំនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ។
ក្រោយពេលកើតហេតុរថយន្ត បានបន្តបើកទៅមុខគេចបាត់។ ករណីនេះ សមត្ថកិច្ចកំពុងធ្វើការស្រាវជ្រាវបន្ត ដើម្បីដោះស្រាយតាមនីតិវិធីច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។