ឃាត់ខ្លួនជនសង្ស័យ៧នាក់ ពាក់ព័ន្ធករណីគ្រឿងញៀន នៅស្រុកចំការលើ
ខេត្តកំពង់ចាម៖ កម្លាំងនគរបាលស្រុកចំការលើ ចុះធ្វើរដ្ឋបាលចំហរ រកឃើញករណីចែកចាយគ្រឿងញៀន និងឃាត់ខ្លួនជនសង្ស័យចំនួន ៧នាក់ ស្រី ០៦នាក់ នៅចំណុចផ្ទះសំណាក់មួយកន្លែង ស្ថិតក្នុងភូមិស្ពឺ(ក) ឃុំជយោ ស្រុកចំការលើ ខេត្តកំពង់ចាម កាលពីយប់ ថ្ងៃទី២៤ ខែមករា ឆ្នាំ២០២១។
បើតាមនគរបាលស្រុកចំការលើ បានឲ្យដឹងថា ជនសង្ស័យទាំង៧នាក់នោះ ឈ្មោះ ម៉ាន ម៉ាអាត ភេទប្រុស អាយុ២៨ឆ្នាំ, ឈ្មោះ ម៉ាន ប៉ាស្រ៊ី ភេទប្រុស អាយុ២២ឆ្នាំ, ឈ្មោះ ម៉ូសា ប៉ាស្រ៊ី ភេទប្រុស អាយុ២៣ឆ្នាំ, ឈ្មោះ សា អាំរី ភេទប្រុស អាយុ៣៨ឆ្នាំ, ឈ្មោះ សែន ដា ភេទប្រុស អាយុ២៣ឆ្នាំ, ឈ្មោះ ហាក់ ណារ៉ុង ភេទប្រុស អាយុ២៤ឆ្នាំ និងឈ្មោះ គង់ ណារិន ភេទប្រុស អាយុ៣៨ឆ្នាំ។
ចំណែកវត្ថុតាង ដកហូតបាន រួមមាន៖ ម្សៅក្រាមពណ៍សចំនួន ៣កញ្ចប់ ទូរស័ព្ទដៃចំនួន១៥គ្រឿង និងសម្ភារៈសេពគ្រឿងញៀនមួយចំនួន។
បច្ចុប្បន្នជនសង្ស័យ និងវត្ថុតាង ត្រូវបានជំនាញ បញ្ជូនទៅការិយាល័យប្រឆាំងគ្រឿងញៀន ដើម្បីកសាងសំណុំរឿងចាត់ការតាមនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។