ក្រុមមគ្រូពេទ្យមីយ៉ាន់ម៉ា នឹងឈប់ធ្វើការ ដើម្បីប្រឆាំងនឹងការធ្វើរដ្ឋប្រហារ
មីយ៉ាន់ម៉ា៖ ក្រុមគ្រូពេទ្យនៅក្នុងមន្ទីរពេទ្យរដ្ឋយ៉ាងតិច២០ បានប្រមូលផ្តុំគ្នាធ្វើយុទ្ធនាការប្រឆាំងនឹងក្រុមរបស់លោកឧត្តមសេនីយ៍ មីន អោង ហ្លេង ដែលបានផ្តួលរំលំមេដឹកនាំជាប់ឆ្នោតលោកស្រី អ៊ុងសាន ស៊ូជី កាលពីថ្ងៃចន្ទដើមសប្តាហ៍នេះ និងការរារាំងដំណើរការឆ្ពោះទៅរកលទ្ធិប្រជាធិបតេយ្យ។
ក្រុមវេជ្ជបណ្ឌិតបានគំរាមឈប់ធ្វើការងារ បើទោះបីជាករណីឆ្លងជំងឺ Covid-19 នៅតែបន្តកើនឡើងជាលំដាប់នៅក្នុងប្រទេស ដែលមានប្រជាជនចំនួន៥៤លាននាក់មួយនេះក៏ដោយ។ វេជ្ជបណ្ឌិត Myo Thet Oo ដែលចូលរួមក្នុងយុទ្ធនាការនេះបាននិយាយថា យើងមិនអាចទទួលយកមេដឹកនាំផ្តាច់ការ និងរដ្ឋាភិបាលដែលមិនត្រូវបានជ្រើសរើសបានទេ.. ពួកគេអាចចាប់ខ្លួនយើងគ្រប់ពេល ។ យើងបានសម្រេចចិត្តប្រឈមមុខនឹងរឿងនេះ យើងទាំងអស់គ្នាបានសម្រេចចិត្តមិនទៅមន្ទីរពេទ្យទេ ។
ជាសារប្រឆាំងនឹងរដ្ឋប្រហារកាលពីថ្ងៃទី០១ ខែកុម្ភៈកន្លងមកនេះ ប្រយោគមួយឃ្លាបានសរសេរថា “មេដឹកនាំផ្តាច់ការត្រូវតែដួលរលំ” ដែលនេះជាការសរសេរនៅខាងក្រោយខ្នង នៃឈុតសម្លៀកបំពាក់របស់វេជ្ជបណ្ឌិតមីយ៉ាន់ម៉ាម្នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។