ឃាត់ខ្លួនជនសង្ស័យ ៣នាក់ ដកហូតគ្រឿងញៀន ៩កញ្ចប់
ខេត្តកំពង់ឆ្នាំង៖ កម្លាំងនគរបាលស្រុកសាមគ្គីមានជ័យ បានចុះបង្ក្រាបករណីគ្រឿងញៀន និងបានឃាត់ខ្លួនជនសង្ស័យចំនួន ៣នាក់ កាលពីថ្ងៃទី៣ ខែកុម្ភៈ ឆ្នាំ២០២១ ក្នុងភូមិចំការស្វាយ ឃុំស្វាយ ស្រុកសាមគ្គីមានជយ័ ខេត្តកំពង់ឆ្នាំង។
នគរបាលស្រុកសាមគ្គីមានជ័យ បានឲ្យដឹងថា ជនសង្ស័យទាំង ៣នាក់នោះ មានឈ្មោះ ហយ បញ្ញា ភេទប្រុស អាយុ២៨ឆ្នាំ, ឈ្មោះ ញឹម វុធ ភេទប្រុស អាយុ២០ឆ្នាំ និងឈ្មោះ រឿន ឈុនលី ភេទប្រុស អាយុ៣០ឆ្នាំ។
ចំណែកវត្ថុតាង រួមមាន៖ ថ្នាំញៀន ៩កញ្ចប់ ស្មើនិង(៣៧,១១ក្រាម) ទូរសព្ទ័ ៣គ្រឿង ជញ្ជីងថ្លឹងថ្នាំញៀន ១គ្រឿង សម្ភារៈវេចខ្ចប់ និងឧបករណ៍ជក់មួយចំនួន។
បច្ចុប្បន្នជនសង្ស័យ ត្រូវបានសមត្ថកិច្ច បញ្ជូនទៅនគរបាលស្រុកសាមគ្គីមានជ័យ ដើម្បីចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។