រថយន្តបុកម៉ូតូ ស្លាប់៤នាក់ និងរបួស៥នាក់ នៅសៀមរាប
ខេត្តសៀមរាប: យ៉ាងហោចណាស់មានមនុស្ស៤នាក់បានស្លាប់នៅនិងកន្លែង និង៥នាក់ទៀតរងរបួស ក្នុង ហេតុការណ៏ គ្រោះថ្នាក់ចរាចរណ៏នៅព្រឹក ថ្ងៃទី២៧ ខែមិថុនា ឆ្នាំ២០១៨នេះ ដែលស្ដិតនៅលើផ្លូវជាតិលេខ៦ ភូមិ ដំណាក់ស្លាញ ឃំុ សសរស្ដម្ភ ស្រុក ពួក ខេត្ត សៀមរាប ។
បើយោងតាមសំដីរបស់លោក វរសេនីយ៏ឯក ទេព ពំុសែន អធិការនគរបាលស្រុក ករណីគ្រោះថ្នាក់ចរារណ៏ នេះបង្កដោយ រថយន្ត Camry ឆ្លាម ពាក់ស្លាកលេខ ភ្នំពេញ 2Q-0932 អ្នកបើកបរមិនស្គាល់ អត្តសញ្ញាណ ដោយតៃកុងរត់បាត ហើយបើកពីលិចទៅកើត ដឹកអ្នកដំណើរ៤នាក់ បានទៅបុកម៉ូតូ C125 ពណ័ខ្មៅ បើកបរដោយ ឈ្មោះ សុន សែន ភេទប្រុស អាយុ ៣៤ឆ្នាំ មុខរបរ ធ្វើស្រែ ស្នាក់នៅភូមិ ច្រនៀង ឃំុ ព្រៃជ្រូក ស្រុក ពួក ខេត្ត សៀមរាប បើកពីកើតទៅលិច ដឹកប្រពន្ធនិងកូន ២នាក់ បណ្តាលអោយ អ្នកជិះម៉ូតូស្លាប់ទាំងអស់។ ចំណែកអ្នកជិះរថយន្តរងរបួល៥នាក់។
ក្រោយកើតហេតុ កំលាំងជំនាញបានចុះវាស់វែងនឹងដឹកជនរងគ្រោះទៅសង្រោះ។ ចំណែកវត្ថុតាងពាក់ព័ន្ធត្រូវបានរក្សាទុកនៅអធិការដ្ធាននគរបាលស្រុក។ សព្វជនរងគ្រោះត្រូវបានប្រគល់ជូន ក្រុមគ្រួសារ ដើម្បីធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។