បុរសបែកថ្នាំ យកដែកកេះដុតផ្ទះឪពុក ឆេះខ្ទេចគ្មានសល់ នៅស្រុកថ្មគោល
ខេត្តបាត់ដំបង៖ កាលពីថ្ងៃទី៧ ខែកុម្ភះ ឆ្នាំ២០២១ម្សិលមិញ មានករណីអគ្គីភ័យឆេះផ្ទះមួយខ្នង ដោយសារបុរសបែកថ្នាំម្នាក់ យកដែកកេះដុត នៅចំណុចក្រុមទី៣១ ភូមិបល្ល័ង្កក្រោម ឃុំរូងជ្រៃ ស្រុកថ្មគោល ខេត្តបាត់ដំបង។
បុរសជាជនបង្កនោះ ឈ្មោះ សឺត សីលា អាយុ៣០ឆ្នាំ រស់នៅភូមិឃុំខាងលើ បានយកដែកកេះធ្វើសកម្មភាពដុតផ្ទះរបស់ឪពុកខ្លួនឈ្មោះ ពិត សឺត ភេទប្រុស អាយុ៥៦ឆ្នាំ បណ្ដាលឱ្យឆេះផ្ទះ១ខ្នងខ្ទេច ទំហំ ០៦ម៉ែត្រគុណនឹង០៧ម៉ែត្រព្រមទាំងសម្ភារៈទ្រព្យសម្បត្តិទាំងស្រុង ខូចខាតជាប្រាក់ប្រមាណ ១៣,០០០ដុល្លាអាមេរិក។
ក្រោយពេលកើតហេតុ សមត្ថកិច្ចបានធ្វើការឃាត់ខ្លួនជនសង្ស័យ និងបានសន្និដ្ឋានថា គឺដោយសារជននេះប្រើប្រាស់គ្រឿងញៀនច្រើន។ សមត្ថកិច្ច ក៏កំពុងរៀបចំចាត់វិធានការតាមផ្លូវច្បាប់ផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។