នគរបាលក្រុងប៉ៃលិនឃាត់ខ្លួនជនសង្ស័យបានមួយនាក់ក្នុងចំណោមបក្សពួកបួននាក់ករណីចូលគាស់ផ្ទះ
ប៉ៃលិន ៖ កាលពីវេលាម៉ោង ១៤:០០នាទីរសៀល ថ្ងៃសុក្រ ២រោច ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៩ ខែមិថុនា ឆ្នាំ២០១៨ មានករណីចោរចូលគាស់ផ្ទះមួយកើតឡើង ស្ថិតនៅចំណុចភូមិពេជ្រគីរី សង្កាត់ប៉ៃលិន ក្រុងប៉ៃលិន ខេត្តប៉ៃលិន។
ជនសង្ស័យមានគ្នាចំនួន ០៤នាក់ ភ្លាមនោះឃាត់ខ្លួនបានជនសង្ស័យបាន ០១នាក់សង្ស័យ និង ០៣នាក់ទៀតរត់គេចខ្លួនបាត់។ ជនសង្ស័យដែលឃាត់ខ្លួនបានឈ្មោះ ជិន ចយ ហៅភា ភេទប្រុស អាយុ ៣៥ឆ្នាំ មានទីលំនៅបច្ចុប្បន្ន រស់នៅភូមិរ៉ែដែក ឃុំអូរអណ្តូង ស្រុកសំឡូត ខេត្តបាត់ដំបង មុខរបរមិនពិតប្រាកដ ។
ជនរងគ្រោះឈ្មោះ នាង មាឃ ភេទ ស្រី អាយុ ៦៤ឆ្នាំ មុខរបរមេភូមិទឹកថ្លា ករណីខាងលើនេះបណ្តាលអោយបាត់បង់ទ្រព្យសម្បត្តិដូចជា តុបេងចំនួន ០៣ ដែលជនសង្ស័យ និងបក្សពួកបានលួចយកទៅ។ បច្ចុប្បន្នជនសង្ស័យ ត្រូវកម្លាំងផ្នែកព្រហ្មទណ្ឌនៃអធិការដ្ឋាននគរបាលក្រុងប៉ៃលិន កំពុងក៏សាងសំណុំរឿងចាត់ការទៅតាមនីតិវិធីច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។