ឃាត់ខ្លួនបុរសម្នាក់ ដកហូតគ្រឿងញៀន ១១១កញ្ចប់ នៅស្រុកអង្គស្នួល
ខេត្តកណ្តាល៖ កម្លាំងនគរបាលស្រុកអង្គស្នួល បានបង្ក្រាបករណីជួញដូរគ្រឿងញៀន (ម៉ាទឹកកក)ចំនួន ១១១កញ្ចប់ និងឃាត់ខ្លួនបុរសម្នាក់កាលពីថ្ងៃទី១៦ ខែកុម្ភៈ ឆ្នាំ២០២១ នៅភូមិព្រៃចំការ ឃុំលំហាច ស្រុកអង្គស្នួល ខេត្តកណ្តាល។
ជនសង្ស័យឈ្មោះ ខេង ភារី ហៅពៅ ភេទប្រុស អាយុ៣៥ឆ្នាំ ជនជាតិខ្មែរមុខរបរលក់ដីឡូត៍ មានទីលំនៅភូមិព្រៃចំការ ឃុំលំហាច ស្រុកអង្គស្នួលខេត្តកណ្តាល។ រីឯវត្តុតាងរកឃើញថ្នាំញៀនចំនួន ១១១កញ្ចប់តូច និងថងវេចខ្ចប់ថ្នាំញៀនមួយចំនួន ដែលលាក់ទុក ក្នុងកាបូបដៃហើយស៊កកប់ នៅក្នុងដំបូងរោងមាន់ (ដំបូលប្រក់ស្លឹក)។
បច្ចុប្បន្នជនសង្ស័យរួម និងវត្ថុតាង ត្រូវបានបញ្ជូនមកអធិការដ្ឋាននគរស្រុក ដើម្បីកសាងសំណុំរឿងតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។