ឃាត់ខ្លួនមនុស្ស ៣នាក់ ពាក់ព័ន្ធករណីជួញដូរគ្រឿងញៀន ១២កញ្ចប់ នៅស្រុកសំរោងទង
ខេត្តកំពង់ស្ពឺ៖ កម្លាំងនគរបាលស្រុកសំរោងទង បានឃាត់ខ្លួនជនសង្ស័យចំនួន ៣នាក់ ពាក់ព័ន្ធករណីជួញដូរគ្រឿងញៀន នៅវេលាម៉ោងជាង១២ថ្ងៃត្រង់ ថ្ងៃទី២៥ ខែកុម្ភៈ ឆ្នាំ២០២១នេះ នៅចំណុចភូមិក្រាំងមេត្រី ឃុំស្គុះ ស្រុកសំរោងទង ខេត្តកំពង់ស្ពឺ។
នគរបាលស្រុកសំរោងទង បានឲ្យដឹងថា ជនសង្ស័យដែលឃាត់ខ្លួនបាននោះ ទី១-ឈ្មោះ មិត្ត សារ៉ាក់ ភេទប្រុស អាយុ៣៥ឆ្នាំ, ទី២-ឈ្មោះ ទូច ផាន់នី ភេទប្រុស អាយុ២៨ឆ្នាំ និងទី៣-ឈ្មោះ រ៉ុម រតនៈ ភេទប្រុស អាយុ២៦ឆ្នាំ ទាំង៣នាក់ រស់នៅភូមិក្រាំងមេត្រី ឃុំស្គុះ ស្រុកសំរោងទង។ ចំណែកវត្ថុតាង ដកហូតបាន ម្សៅក្រាមពណ៌សថ្លាចំនួន ១២កញ្ចប់តូច, ជញ្ជីងថ្លឹងគ្រឿងញៀន១, ម៉ូតូ២គ្រឿង, ទូរស័ព្ទដៃ២គ្រឿង, រួមនឹងឧបករណ៍ប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ន នៅអធិការដ្ឋានដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។