គ្រោះថ្នាក់ចរាចរណ៍ បុកបន្តគ្នា បណ្តាលឲ្យមនុស្ស ២នាក់រងរបួសធ្ងន់ សំណាងគ្មានអ្នកស្លាប់
ខេត្តព្រះសីហនុ៖ កាលពីម៉ោង ៧យប់ ថ្ងៃទី២៨ ខែកុម្ភៈ ឆ្នាំ២០២១ មានគ្រោះថ្នាក់ចរាចរណ៍មួយ នៅលើផ្លូវជាតិលេខ៤ ឃុំរាម ស្រុកព្រៃនប់ ខេត្តព្រះសីហនុ រវាងម៉ូតូ១គ្រឿង និងរថយន្តចំនួន ៣គ្រឿង បុកបន្តគ្នា បណ្តាលឲ្យមានមនុស្សចំនួន ២នាក់រងរបួស។
សមត្ថកិច្ចមូលដ្ឋាន បានឲ្យដឹងថា ករណីនេះ បង្កឡើងរវាងដោយម៉ូតូ១គ្រឿង ម៉ាកសង់ C១២៥ ពណ៌ខ្មៅ ពាក់ស្លកលេខ កណ្តាល ១AE-៣៧២៦ (ទិសដៅភ្នំពេញ-ព្រះសីហនុ ) និងរថយន្តចំនួន ៣គ្រឿងទៀត គឺម៉ាក Luxis RX៣០០ ពណ៌ទឹកមាស ពាក់ស្លាកលេខ ភ្នំពេញ២J-១៧៦០, រថយន្តម៉ាក Luxis RX៣០០ ពណ៌ទឹកមាស ពាក់ស្លាកលេខ ភ្នំពេញ២Q-៧១៣៥ និងរថយន្ត ម៉ាកISUSU ពណ៌ប្រផេះ ពាក់ស្លាកលេខ ចង្កូតស្តាំ PSHN-២២៨៧។
សមត្ថកិច្ច បញ្ជាក់ថា ហេតុការណ៍នេះបណ្តាលឲ្យភាគីម៉ូតូចំនួន ២នាក់ រងរបួស គឺ១/ឈ្មោះ ចំរើន ម៉េងឈុន ភេទប្រុស ១៥ឆ្នាំ មុខរបរជាងថតរូប មានទីលំនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ (របួសធ្ងន់) និងឈ្មោះ ហុង តុលា ភេទប្រុស អាយុ៣២ឆ្នាំ មុខរបរជាងថតរូប មានទីលំនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ (របួសធ្ងន់)។
ក្រោយពេលកើតហេតុ ជនរងគ្រោះត្រូវបានបញ្ជូនទៅសង្គ្រោះនៅមន្ទីពេទ្យបង្អែកខេត្តព្រះសីហនុ រីឯយានយន្តទាំងអស់ បានយកទៅរក្សាទុកនៅអធិការដ្ឋាននគរបាលស្រុកព្រៃនប់ រងចាំដោះស្រាយបន្តតាមនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។