រថយន្តធុនធ្ងន់ ២គ្រឿង ព្រលះគ្នាពេញទំហឹង ស្លាប់ម្នាក់ របួស៣នាក់ នៅស្រុកជីក្រែង
ខេត្តសៀមរាប៖ យ៉ាងហោចណាស់មនុស្សម្នាក់ បានស្លាប់ភ្លាមៗ និង៣នាក់ទៀត រងរបួសធ្ងន់ ក្នុងករណីគ្រោះថ្នាក់ចរាចរណ៍មួយ រវាងរថយន្តធុនធ្ងន់ចំនួន ២គ្រឿង បានព្រលះគ្នាពេញទំហឹង កាលពីទាបភ្លឺ ថ្ងៃទី២៨ ខែកុម្ភៈ ឆ្នាំ២០២១ លើកំណាត់ផ្លូវជាតិលេខ៦ ស្ថិតនៅភូមិថ្នល់ ឃុំល្វែងឬស្សី ស្រុកជីក្រែង ខេត្តសៀមរាប។
សមត្ថកិច្ចមូលដ្ឋាន បានឲ្យដឹងថា ហេតុការណ៍គ្រោះថ្នាក់នេះ គឺបង្កឡើងរវាងរថយន្តដឹកប្រេងក្រុមហ៊ុន PTT និងរថយន្តដឹកចំណីសត្វក្រុមហ៊ុន L.M.H។
លោកអធិការនគរបាលស្រុកជីក្រែង បានឲ្យដឹងថា ក្នុងនោះអ្នកបើកបរ រថយន្តដឹកប្រេងរបស់ក្រុមហ៊ុនPTT ភេទប្រុស អាយុ៣៥ឆ្នាំ បានស្លាប់ភ្លាមៗ និងអ្នករួមដំណើរម្នាក់ រងរបួសស្រាល។ រីឯអ្នកបើកបររថយន្តដឹកចំណីសត្វ របស់ក្រុមហ៊ុន L M H ភេទប្រុស អាយុ៣៥ឆ្នាំ រងរបួសធ្ងន់ និងអ្នករួមដំណើរជាមួយម្នាក់រងរបួសស្រាល។
ករណីនេះ រថយន្តទាំងពីរ ត្រូវបានសមត្ថកិច្ច អូសយកមករក្សាទុកនៅអធិការនគរបាលស្រុក ដើម្បីអនុវត្តន៍តាមនីតិវិធីច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។