បង្ក្រាបទីតាំងជល់មាន់ ឃាត់ខ្លួនអ្នកលេង ៤នាក់ នៅក្រុងបាត់ដំបង
ខេត្តបាត់ដំបង៖ កាលពីសៀល ថ្ងៃទី២៧ ខែកុម្ភៈ ឆ្នាំ២០២១ កម្លាំងនគរបាលក្រុងបាត់ដំបង បានឃាត់ខ្លួនអ្នកប្រព្រឹត្តល្បែងស៊ីសង(ជល់មាន់) ចំនួន៤នាក់ នៅសង្កាត់ចំការសំរោង ក្រុងបាត់ដំបង ខេត្តបាត់ដំបង។
ករណីចុះបង្ក្រាបនេះ នគរបាលជំនាញ បានរឹបអូសសម្ភារៈ រួមមាន៖ ម៉ូតូចំនួន ៥គ្រឿង ស៊ុមដាក់មាន់ចំនួន ៥ជញ្ជីញ សំរាប់ថ្លឹងមាន់ចំនួន ១ និងមាន់ជល់ចំនួន ៤ក្បាល។
ក្រោយពេលធ្វើកំណត់ហេតុសាកសួរ ជំនាញបានធ្វើកិច្ចសន្យាអប់រំឱ្យបញ្ឈប់សកម្មភាពនេះបន្តទៀត និងបានឱ្យវិលត្រឡប់ទៅសហគមន៍វិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។