អភិបាលខេត្តបន្ទាយមានជ័យ អំពាវនាវឲ្យពលរដ្ឋរក្សាទឹកទុក ដោយសាររដូវប្រាំងអូសបន្លាយយូរទៀត
ខេត្តបន្ទាយមានជ័យ៖ កាលពីថ្ងៃទី៣ ខែមីនា ឆ្នាំ២០២១ រដ្ឋបាលខេត្តបន្ទាយមានជ័យ សូមបងប្អូនខាងស្រុកមង្គលបូរី កុំមានការព្រួយបារម្ភ ខណៈបរិមាណទឹក ដែលក្រុមការងារជំនាញមន្ទីរធនធានទឹកខេត្ត បានបូមទាំងយប់ទាំងពីស្ទឹងសិរីសោភ័ណ ទៅកាន់ស្ទឹងមង្គលបូរី ក្នុងចំងាយប្រមាណ ១៥គីឡូម៉ែត្រ បានកំពុងហូរចូលស្ទឹងមង្គលបូរី នៅត្រង់ចំណុចឃុំបត់ត្រង់ ស្រុកមង្គលបូរី។
ជាមួយគ្នានោះផងដែរ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ក៏បានធ្វើការអំពាវនាវសូមអាជ្ញាធរឃុំភូមិ បងប្អូនប្រជាពលរដ្ឋ ជួយការពារប្រភពទឹកនេះ ជៀសវាងកុំឲ្យមានការបង្កបង្កើនផលស្រូវប្រាំងបន្ថែមទៀត ព្រោះប្រភពទឹកនេះ ទុកសម្រាប់តែការប្រើប្រាស់ក្នុងជីវភាពប្រចាំថ្ងៃប៉ុណ្ណោះ ព្រោះថារដូវប្រាំងក៏នៅមានពេលវេលាយូរទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។