រដ្ឋបាលខេត្តសៀមរាប ដំណើរការសាងសង់ខ្លោងទ្វារ របង ផ្លូវបេតុង និងកែលម្អសួនច្បារ នៅមុខព្រះរាជដំណាក់ និងព្រះអង្គចេក-ព្រះអង្គចម
ខេត្តសៀមរាប៖ រដ្ឋបាលខេត្តសៀមរាប បានជូនដំណឹង ដោយបញ្ជាក់ថា ក្រុមការងារសាងសង់របស់ក្រសួងព្រះបរមរាជវាំង នឹងចាប់ផ្តើមបន្តការសាងសង់សង់ខ្លោងទ្វារទី៣ ទី៤ និងទី៥ ដែលមានទីតាំងនៅលើបណ្តាយផ្លូវជាតិលេខ៦ មុខព្រះរាជដំណាក់ខេត្តសៀមរាប និងព្រះអង្គចេក-ព្រះអង្គចម ចាប់ពីថ្ងៃទី០៥ ខែមីនា ឆ្នាំ២០២១តទៅ។
ជាមួយនឹងការហ៊ុមព័ទ្ធការដ្ឋានសាងសង់ដំណាក់កាលទី២នេះ សាធារណជនក៏អាចចេញ-ចូលក្នុងបរិវេណព្រះអង្គចេក-ព្រះអង្គចម និងលោកយាយទេព ឬព្រះគម្លង់បានជាធម្មតា។
អាស្រ័យហេតុដូចបានជម្រាបជូនខាងលើ សូមសាធារណជន មេត្តាជ្រាបជាព័ត៌មាន និងចូលរួមសហការអនុវត្តតាមការរៀបចំរបស់កម្លាំងមានសមត្ថកិច្ច និងក្រុមការងារសាងសង់ ដើម្បីបញ្ជៀសការកកស្ទះចរាចរ រក្សាបានសុវត្ថិភាព និងសណ្តាប់ធ្នាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។