អាជ្ញាធរក្រុងស្ទឹងសែន បិទទីតាំងខារ៉ាអូខេ ភ្នំមាស ដែលលួចបើកដំណើរការ
ខេត្តកំពង់ធំ៖ អាជ្ញាធរក្រុងស្ទឹងសែន បានចុះបិទទីតាំងខារ៉ាអូខេ យីហោភ្នំមាស ដែលមានឈ្មោះ វិន សូវិស័យ ជាម្ចាស់ មានទីតាំងនៅក្រុងស្ទឹងសែន ខេត្តកំពង់ធំ កាលពីយប់ ថ្ងៃទី៤ ខែមីនា ឆ្នាំ ២០២១។
លោក ទង់ គឹមតុល អភិបាលរងក្រុងស្ទឹងសែន បានព្រមានដល់ម្ចាស់អាជីវកម្ម ហាងខារ៉ាអូខេ ឲ្យបញ្ឈប់សេវាកម្មខារ៉ាអូខេបណ្តោះអាសន្ន ដោយត្រូវគោរពតាមសេចក្តីប្រកាសរបស់ក្រសួងទេសចរណ៍ ដើម្បីចូលរួមការពារ ប្រយុទ្ធប្រឆាំង នឹងការឆ្លងរីករាលដាលមេរោគកូវិដ១៩ ។
សូមបញ្ជាក់ថា ទីតាំងហាងខារ៉ាអូខេ ក្នុងចំណោម៥កន្លែង គឺមាន៤កន្លែង បានចូលរួមអនុវត្តតាមការណែនាំរបស់ឯកឧត្តម សុខ លូ អភិបាលខេត្តកំពង់ធំ ក៏ដូចតាមការអំពាវនាវរបស់ លោក ម៉ាក់ ប៊ុនហុង អភិបាលក្រុងស្ទឹងសែន។ ដោយឡែកហាង ខារ៉ាអូខេ ភ្នំមាស ដែលមានម្ចាស់ឈ្មោះ វិន សូវិស័យ មិនព្រមអនុវត្តតាមនោះឡើយ ហើយថែមទាំង អះអាងថា មានច្បាប់ត្រឹមត្រូវ នឹងរារាំងមិនឲ្យអ្នកសារព័ត៌មាន ចូលថត ក្នុងប្រតិបត្តិការជាមួយសមត្ថកិច្ចទៀតផង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។