សង្ស័យរឿងគំនុំ! បុរសម្នាក់ លួចដុតផ្ទះ១ខ្នង ឆេះខ្ទេច នៅស្រុកភ្នំព្រឹក
ខេត្តបាត់ដំបង៖ កម្លាំងនគរបាលខេត្តបាត់ដំបង កាលពីល្ងាចថ្ងៃទី៩ ខែមីនា ឆ្នាំ២០២១ បានបញ្ជូនជនសង្ស័យម្នាក់ ទៅតុលាការករណីដុតផ្ទះគេឱ្យឆេះខ្ទេច ដោយសារគំនុំ។ ហេតុការណ៍កើតឡើង កាលពីយប់ ថ្ងៃទី៩ ខែមីនា ឆ្នាំ២០២១ នៅក្រុមទី៩ ភូមិទួលខ្វាវ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។
នគរបាលស្រុកភ្នំព្រឹក បានឱ្យដឹងថា ជនសង្ស័យឈ្មោះ ឃឹម ខា ភេទប្រុស អាយុ២៥ឆ្នាំ។ ចំណែកជនរងគ្រោះឈ្មោះ អឿន ឃឿន ភេទប្រុស អាយុ៤៧ឆ្នាំ អ្នកទាំងពីរនៅភូមិទួលខ្វាវ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។
ករណីនេះបណ្ដាលឱ្យខូចខាតផ្ទះទំហំ ១២ម៉ែត្រគុណ១៣ម៉ែត្រ ធ្វើអំពីឈើប្រក់សង្ក័សី.រថយន្តម៉ាកកាមេរី១គ្រឿង.រ៉ឺម៉កកង់បី១គ្រឿង.ម៉ាស៊ីនកិនស្រូវ ១គ្រឿង.សម្ភារចៅមហាមួយឈុត.លុយនិងមាស ប្រាក់ចំនួន១០លានរៀល ។
សរុបការខូចខាតប្រមាណ(៥ម៉ឺនដុល្លារ)។ ករណីនេះ ជនសង្ស័យ សារភាពថា ការលួចដុតផ្ទះនេះ គឺដោយសារតែរឿងគំនុំចាស់ជាមួយម្ចាស់ផ្ទះរងគ្រោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។