អាជ្ញាធររាជធានីភ្នំពេញ ចុះបិទអាជីវកម្មចំនួន ៣ទីតាំង លួចបើកដំណើរការ
ភ្នំពេញ៖ កាលពីយប់ថ្ងៃទី១០ ខែមិនា ឆ្នាំ២០២១ គណៈបញ្ជាការឯកភាពរដ្ឋបាលរាជធានីភ្នំពេញ បានចុះត្រួតពិនិត្យ និងអនុវត្តវិធានការរដ្ឋបាល ចំពោះអាជីវកម្មក្លឹបកំសាន្ត ខារ៉ាអូខេ និងបារបារាំង ចំនួន ៣ទីតាំង លួចលាក់បើកដំណើរការ បំពាននឹងសេចក្តីណែនាំរបស់ក្រសួងសុខាភិបាល។
ប្រតិបត្តិការនោះ បានធ្វើឡើង នៅចំណុចភោជនីយដ្ឋាន ANGEL ស្ថិតនៅតាមបណ្តោយផ្លូវលេខ២១១ ប្លុកបុរីកីឡា ក្នុងសង្កាត់វាលវង់ ខណ្ឌ៧មករា និងមួយកន្លែងទៀត ជាទីតាំងបាបារាំង ស្ថិតនៅតាមបណ្តាយផ្លូវលេខ១០៤ ក្នុងសង្កាត់វត្តភ្នំខណ្ឌដូនពេញ និងទីតាំងចុងក្រោយជាភោជនីដ្ឋានមួយកន្លែង ស្ថិតក្នុងសង្កាត់ស្ទឹងមានជ័យ៣ ខណ្ឌមានជ័យ។
ក្នុងករណីនេះ អាជ្ញាធរបានឃាត់ខ្លួនមនុស្សប្រុសស្រីជាង ១០នាក់ ក្នុងនោះមេការ ៣នាក់ បុរសជនជាតិចិនម្នាក់ និងនារីបម្រើការ បញ្ជូនទៅកាន់ទីបញ្ជាការកងរាជអាវុធហត្ថរាជធានីភ្នំពេញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។