ថៃ សាកល្បងចាក់វ៉ាក់សាំងកូវីដ១៩ ផលិតដោយខ្លួនឯង
ប្រទេសថៃ កាលពីថ្ងៃចន្ទ ទី២២ មីនា ម្សិលមិញ បានចាប់ផ្តើមសាកល្បងចាក់វ៉ាក់សាំងបង្ការជំងឺកូវីដ១៩ ដែលខ្លួនផលិតក្នុងប្រទេសហើយ ដោយគ្រោងនឹងចាប់ផ្តើមចុះឈ្មោះនៅឆ្នាំក្រោយ។ វ៉ាក់សាំងនេះត្រូវបានផលិតដោយអង្គការ GPO ដោយប្រើប្រាស់បច្ចេកវិទ្យាពងមាន់ ឬ egg-based technology ។
រដ្ឋមន្ត្រីសុខាភិបាលថៃ Anutin Charnvirakul បាននិយាយថា ការផលិតវ៉ាក់សាំងដោយខ្លួនឯនេះគឺជាជំហានសំខាន់មួយ សម្រាប់សុខភាពសាធារណៈរបស់ប្រទេសជាតិ ខណៈដែលវានឹងធ្វើឲ្យថៃមានច្បាស់ការខ្លួនឯង ហើយមិនចាំបាច់ពឹងផ្អែកល់វ៉ាក់សាំងពីប្រទេសក្រៅ។
លោករដ្ឋមន្ត្រីថា ពេលជោគជ័យនៃការសាកល្បង តាមគម្រោង វ៉ាក់សាំងនេះនឹងផលិតចន្លោះពី២៥ទៅ៣០លានដូស ក្នុងមួយឆ្នាំ គ្រោងនឹងចាប់ផ្តើមឆ្នាំ២០២២។ លោកបញ្ជាក់ដែរថា បច្ចេកវិទ្យាផ្អែកលើពងមាន់នេះក៏ធ្លាប់បានប្រើប្រាស់ សម្រាប់វ៉ាក់សាំងផ្តាសាយនានាផងដែរ ដោយវាក៏អាចផលិតវ៉ាក់សាំងបង្ការជំងឺកូវីដ១៩ដែរ។ សម្រាប់អ្នកស្ម័គ្រចិត្តចាក់វ៉ាក់សាំងនេះ អាចនឹងមានឲ្យបាន៤៦០នាក់សរុប ក្នុងនោះ ២១០នាក់ មានអាយុចន្លោះពី១៨ទៅ៥៩ឆ្នាំ។
សូមបញ្ជាក់ថា ថៃ បច្ចុប្បន្ន កំពុងចាក់វ៉ាក់សាំងបង្ការជំងឺកូវីដ១៩ លើប្រជាពលរដ្ឋ ចំនួន២ប្រភេទ មួយមកពីអង់គ្លេសនិងមួយទៀតមកពីចិន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។