ឃាត់ខ្លួនយុវជន ២នាក់ ចាប់បានគ្រឿងញៀន ២០កញ្ចប់ នៅក្រុងសៀមរាប
ខេត្តសៀមរាប៖ កាលពីរសៀល ថ្ងៃទី២៥ ខែមីនា ឆ្នាំ២០២១ កម្លាំងនគរបាលក្រុងសៀមរាប បានចុះបង្ក្រាបករណីចែកចាយគ្រឿងញៀន នៅចំណុចលើដងផ្លូវស្ថិតនៅភូមិតាភុល សង្កាត់ស្វាយដង្គំ ក្រុង/ខេត្តសៀមរាប ដោយឃាត់ខ្លួនជនសង្ស័យចំនួន ២នាក់។
ជនសង្ស័យ ទី១-ឈ្មោះ លុន វណ្ឌី ហៅ វី ភេទប្រុស ឆ្នាំកំណើត២០០២ ជនជាតិខ្មែរ មុខរបរគ្មាន មានទីលំនៅភូមិសណ្តាន់ សង្កាត់ទឹកវិល ក្រុង/ខេត្ត សៀមរាប និងទី២-ឈ្មោះ អួន ស៊ីឌឿន ហៅកុយ ភេទប្រុស ឆ្នាំកំណើត ២០០៣ ជនជាតិខ្មែរ មុខរបរគ្មាន មានទីលំនៅភូមិគោកដូង សង្កាត់ទឹកវិល ក្រុង/ខេត្ត សៀមរាប។ ចំណែកវត្ថុតាង ដកហូតបាន ម្សៅមេតំហ្វេតាមីនចំនួន ២០កញ្ចប់ ស្មើនឹងទម្ងន់ ៨,៣៧ក្រាម (ទម្ងន់សុទ្ធ) និងទូរស័ព្ទដៃចំនួន ២គ្រឿង។
ករណីនេះ ជនសង្ស័យ ព្រមទាំងវត្ថុតាង ត្រូវបានជំនាញ បញ្ចូនទៅសាលាដំបូងខេត្តសៀមរាប ដើម្បីអនុវត្តនិតិវិធីបន្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។