ម៉ូតូ និងម៉ូតូ ព្រលះគ្នា របួសធ្ងន់៣នាក់ នៅស្រុកកោះកុង
ខេត្តកោះកុង៖ ករណីគ្រោះថ្នាក់ចរាចរណ៍មួយរវាងម៉ូតូ និងម៉ូតូ ព្រលះគ្នា បណ្តាលឲ្យមនុស្សរងរបួសធ្ងន់ចំនួន ៣នាក់
កាលពីយប់ ថ្ងៃទី២៨ ខែមីនា ឆ្នាំ២០២១ម្សិលមិញ ស្ថិតក្នុងភូមិជ្រោយប្រស់ ឃុំជ្រោយប្រស់ ស្រុកកោះកុង ខេត្តកោះកុង។
សាក្សី បានឲ្យដឹងថា ករណីគ្រោះថ្នាក់ចរាចរណ៍នេះ គឺគេឃើញម៉ូតូទាំង ២គ្រឿង បើកទិសដៅបញ្ច្រាសគ្នា នៅចំនុចខ្លង់ឃៀន
គឺម៉ូតូបង្កម៉ាក waveS ពណ៌ខ្មៅ គ្មានផ្លាកលេខ គ្មានភ្លើងបំភ្លឺផ្លូវ និងមិនប្រកាន់ស្តាំ និងម៉ូតូ ម៉ាកYAMAHA SIRIUS ពាក់ផ្លាក់លេខភ្នំពេញ ១DC.៤៧៩២ មកើដល់ចំណុចខាងលើ ក៏បុកគ្នាពេញទំហឹង បណ្តាលឲ្យមានមនុស្សរងរបួសតែម្តង។
ជនរងគ្រោះជាម្ចាស់ម៉ូតូបង្ក ឈ្មោះ ម៉េង វិតួ ភេទប្រុស អាយុ៣៨ (រងរបួសធ្ងន់) និងអ្នករួមដំណើរម្នាក់ ឈ្មោះប៉ាង វណ្ណាត ភេទស្រី អាយុ៣៧ ទីលំនៅភូមិជ្រោយប្រស់ ឃុំជ្រោយប្រស់ ស្រុកកោះកុង ខេត្តកោះកុង (ជាប្រពន្ធ រងរបួសធ្ងន់)។ រីឯភាគីម្ខាងទៀត ឈ្មោះ ចិត្រ ភេទប្រុស អាយុ៣៨ឆ្នាំ ជនជាតិខ្មែរ មានទីលំនៅភូមិដីទំនាប ឃុំត្រពាំងរូង ស្រុកកោះកុង ខេត្តកោះកុង (រងរបួសធ្ងន់)។
ក្រោយពេលកើតហេតុ ជនរងគ្រោះ ត្រូវបានសមត្ថកិច្ច បញ្ជូនទៅមណ្ឌលសុខភាពស្រុក។ ចំណែកវត្ថុតាង បានយកមករក្សាទុកនៅអធិការដ្នាននគរបាលរងស្រុក រងចាំធ្វើការដោះស្រាយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។