ម្សិលមិញ! បាតុភូតខ្យល់កួច ប៉ើងផ្ទះ១ខ្នង រមូរចូលគ្នា បណ្តាលឲ្យរបួសធ្ងន់ម្នាក់ នៅស្រុកម៉ាឡៃ
បន្ទាយមានជ័យ៖ កាលពីរសៀល កាលពីថ្ងៃទី៣០ ខែមីនា ឆ្នាំ២០២១ នៅភូមិទួលប្រាសាទ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ មានបាតុភូតខ្យល់កួចយ៉ាងខ្លាំង បានកើតឡើងបណ្តាលឲ្យផ្ទះ១ខ្នង សង់នៅជាប់នឹងដីរលំរមូរចូលគ្នា បង្កឲ្យម្ចាស់ផ្ទះម្នាក់បានរងរបួសធ្ងន់។
យោងតាមរបាយការណ៍ពីនគរបាលស្រុកម៉ាឡៃ បានឲ្យដឹងថា កណ្តាលថ្ងៃត្រង់ ថ្ងៃទី៣០ខែ មីនា ឆ្នាំ២០២១ មានបាតុភូតខ្សល់កួចយ៉ាងខ្លាំង(ចំណុចបឹងជង្រុក) ស្ថិតនៅភូមិទួលប្រាសាទ ឃុំទួលពង្រ ស្រុកម៉ាឡៃ ខ្យល់កួចនោះ បានវិលកួចចំផ្ទះស្ត្រីវ័យចំណាស់ម្នាក់ ឈ្មោះ រី អាយុជាង៥០ឆ្នាំ ខណៈពេលជនរងគ្រោះកំពុងនៅក្នុងផ្ទះ បណ្តាលឲ្យរងរបួសធ្ងន់។
ផ្ទះដែលរងនូវការខូចខាតនោះ ធ្វើអំពីឈើប្រក់ស័ង្កសី ជញ្ជាំងស័ង្កសី សង់ជាប់នឹងដី មានទំហំ ៤ម X៥ម ត្រូវបានដួលរលំរមូរចូលគ្នាខូចខ្ទេចខ្ទីអស់ រួមទាំង សម្ភារៈនៅក្នុងផ្ទះផងដែរ។ រីឯជនរងគ្រោះភ្លាមៗ ត្រូវបានកម្លាំងសមត្ថកិច្ច ដឹកយកទៅព្យាបាលនៅមន្ទីរពេទ្យបានទាន់ពេល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។