បង្ក្រាបករណីគ្រឿញៀន ឃាត់ខ្លួនមនុស្ស ២នាក់ នៅស្រុកឯកភ្នំ
ខេត្តបាត់ដំបង៖ កាលពីល្ងាច ថ្ងៃទី៣១ ខែ មីនា ឆ្នាំ២០២១ នគរបាលស្រុកឯកភ្នំ បានចុះប្រតិបត្តិការបង្ក្រាបករណីគ្រឿងញៀន ដោយឃាត់ខ្លួនជនសង្ស័យចំនួន ២នាក់ នៅចំណុចផ្លូវភ្លោះភូមិពាមឯក ឃុំពាមឯក ស្រុកឯកភ្នំ ខេត្តបាត់ដំបង។
ក្នុងកិច្ចប្រតិបត្តិការនោះ កម្លាំងនគរបាលជំនាញ ឃាត់ខ្លួនជនសង្ស័យ ចំនួន ២នាក់ ទី១-ឈ្មោះ អ៊ន ស៊ាង ភេទប្រុស អាយុ៣០ឆ្នាំ មានទីលំនៅភូមិករហាល ឃុំពាមឯក ស្រុកឯកភ្នំ ខេត្តបាត់ដំបង និងទី២-ឈ្មោះ និត ស៊ីណាត់ ហៅម៉ុល ភេទប្រុស អាយុ៣៦ឆ្នាំ មានទីលំនៅភូមិតាព្រួច សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង។
វត្ថុតាងដកហូតបាន ចាប់បានម្សៅក្រាមពណ៌សថ្លាចំនួន ៥ថង់ ទម្ងន់៥៣,៦០ក្រាម (ទាំងសំបក) ទូរស័ព្ទដៃចំនួន ៣គ្រឿង ជញ្ជីងថ្លឹងគ្រឿងញៀនចំនួន១ ម៉ូតូ១គ្រឿង និងសម្ភារៈច្រករំលែកគ្រឿងញៀនមួយចំនួនទៀត។
ករណីនេះ នគរបាលជំនាញ បានរៀបចំកសាងសំណុំរឿង បញ្ជូនទៅស្នងការដ្ឋាននគរបាលខេត្តបាត់ដំបង ដើម្បីចាត់ការបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។