ក្រសួងបរិស្ថាន បង្ហាញសកម្មភាពដោះអន្ទាក់ជ្រូកព្រៃ ក្នុងដែនជម្រក សត្វព្រៃកែវសីម៉ា
ក្រសួងបរិស្ថាន និងអង្គការសមាគមអភិរក្សសត្វព្រៃ (WCS) បានរូបភាពដែលក្រុមល្បាត បានដោះអន្ទាក់រំដោះសត្វជ្រូកព្រៃ នៅក្នុងដែនជម្រក សត្វព្រៃកែវសីម៉ា ខេត្តមណ្ឌលគិរី។ អន្ទាក់គឺជាឃាតកលាក់មុខសម្លាប់សត្វព្រៃ និងពេលខ្លះបង្កគ្រោះថ្នាក់ដល់មនុស្សថែមទៀត។
កាលពីឆ្នាំ ២០២០ កន្លងទៅ អន្ទាក់គ្រប់ប្រភេទជិត ៥ម៉ឺនអន្ទាក់ត្រូវបានមន្ត្រីឧទ្យានុរក្សរួមនឹងអ្នកល្បាតសហគមន៍ដោះចេញពីតំបន់ការពារធម្មជាតិនៅទូទាំងប្រទេសកម្ពុជា និងជួយសង្គ្រោះសត្វព្រៃជាច្រើនក្បាល។
ក្រសួងបរិស្ថាន សូមអំពាវនាវដល់ប្រជាជនកម្ពុជាទាំងអស់ សូមចូលរួមទាំងអស់គ្នាដើម្បីបញ្ឈប់ការបរិភោគសាច់សត្វព្រៃ ការប្រើប្រាស់ផលិតផលពីសត្វព្រៃ ការជួញដូរសត្វព្រៃ ដែលសុទ្ធសឹងអាចបង្កហានិភ័យខ្ពស់ដល់សុខភាពមនុស្ស ហើយមកចូលរួមការពារ និងថែរក្សាធនធានធម្មជាតិរបស់កម្ពុជាឲ្យនៅស្ថិតស្ថេរសម្រាប់អនាគតយើង និងកូនចៅយើងទាំងអស់។
ក្រសួងបរិស្ថាន សូមបញ្ឈប់ការហូបសាច់ព្រៃ និងឈប់ប្រើប្រាស់ផលិតផលផលិតពីសត្វព្រៃ ដើម្បីបញ្ឈប់ការបរបាញ់សត្វព្រៃ និងការដាក់អន្ទាក់សត្វព្រៃ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។